Jas júrekter lúpili

Táýelsizdik – kıeli uǵym jáne ekiniń birine buıyra bermeıtin baq. Onyń qazaqstandyqtar uǵymynda qalyptasqanyna da 20 jyl. Jyl boıy óńirdegi aýdan, qala men eldi mekenderde jas­tardyń dúrmekti kezdesýleri, forýmdary jalǵasyn taýyp keledi. Birin-biri qaıtalamaıtyn basqosýlarda jastardyń Otanǵa degen jigeri, súıispenshiligi arnasynan asyp, tógilýde. Osyndaı jas­tar forýmy Eskeldi aýdanynyń Qarabulaq kentinde ótkizildi. «El men jerdi qurmetteý – azamattyq paryz!» taqy­ry­byn­daǵy jıynda elimizdiń Ánurany asqaqtap, memlekettik Týymyz bıikke kóterildi. Jastardyń «Jasaı ber, jaınaı ber – jańa Qazaqstan!», «Gúldene ber, meniń Qazaqstanym!» kórnekilikteri jınalǵandar nazaryn aýdardy. Qyzyǵarlyǵy – «Nur Otan» HDP-nyń «Jas Otan» jastar qanaty aýdandyq uıy­my­nyń jetekshisi Indıra Asanova búgingi táý­elsizdik týy astynda tynystaǵan qurby-qurdastarynyń bá­se­kege qabiletti bilim alyp, mamandyq meńgerýine barlyq jaǵ­daı jasalǵanyn aıtty. Dál osyndaı jastar sımpozıýmy Qaratal aýdanynyń Úsh­tó­be qalasynda jalǵasyp, «Memlekettik rámizder – el belgisi, ult maqtanyshy» taqyrybyndaǵy is-sharada elimizdiń rámizderin qur­metteý sezimi, eljandylyq qasıet jastyq jalynmen asta­syp, barshanyń mereıin tasytty. Búgingi jastar bilimdi, ári qoǵamnyń damýyna ún qosatyn talapshyl. Halyq kóp jınalǵan alańdaǵy asqaqtaǵan ásem án men kúm­bir­le­gen kúı kóńilderdi sýsyndatyp, beıbit eldiń aspanynda qalyqtady. Kúmisjan BAIJAN. Almaty oblysy.