"Jas qonaqtar úshin eki kúndik arnaıy baǵdarlama qarastyrylǵan: birinshi kúni – EKSPO-2017 kórmesin aralaý, kelesi kúni – Elordanyń ásem jerlerine saıahat. Jalpy, 1600 adam boıynsha 25 jol qatynasy josparlanyp otyr – bir jolǵy qatynasta 40 baladan 40 top", deıdi uıymdastyrýshylar.
Ár óńirdiń delegasııasyna Astananyń bilim berý basqarmasy men oqý oryndarynyń dırektorlarynan qurylǵan jaýapty tulǵalar belgilendi. Ár aımaq tarapynan balalarǵa jaýapty muǵalimder men medısınalyq kyzmetkerleri karastyrylǵan. Balalardyń kelýinen bastap, olardy ornalastyrylý, kórmege aparý, qalanyń ishindegi saıahat jáne shyǵaryp salý qatynasynyń baǵyty túzildi.
Oqýshylardy «Astana LRT» JShS usynǵan qolaıly jańa avtobýstarmen tasymaldaý josparlanýda. Oqýshylardyń barlyǵy qaladaǵy bilim berý uıymdarynyń jataqhanalaryna ornalastyrylady.
Olardyń barlyǵy tótenshe jaǵdaılar departamenti, tutynýshylardy qorǵaý departamenti jáne ıývenal polısııasynyń JPQ bólimimen arnaıy tekserý maqsatynda aınalyp ótildi.
"Balalardyń qaýipsizdigi úshin Elordada táýlik boıy jumys jasaıtyn ahýal ortalyǵy iske qosyldy (109 nómiri boıynsha). Jáne barlyq oryndardy IID JPQ qyzmetkerleri táýlik boıy kúzetedi" - deıdi mamandar.
10 maýsym kúni saǵat 14.40-ta alǵash bolyp Elordamyzǵa Aqtóbe oblysynyń 162 balasy keledi. Olar qalalyq Medısınalyq kolledjinde ornalasady.
