«Qazaqsha sóıleseıik!» sharasy bastaldy

«Nur Otan» halyqtyq-demokratııalyq partııasy «Jas Otan» jastar qanatynyń uıymdastyrýymen jyl saıyn ótkizetin elimizdiń 14 oblysy men Astana jáne Almaty qalalaryndaǵy «Qazaqsha sóıleseıik!» qoǵamdyq respýblıkalyq sharasy 3 jyldan beri úzdiksiz jalǵasyp keledi. Osyǵan oraı, jaqynda Astana qa­la­sy­nyń temirjol saparjaıynda Memlekettik til­di damytý Prezıdenttik qorynyń qolda­ýy­men «Qazaqsha sóıleseıik!» atty qoǵam­dyq res­pýb­lıkalyq aksııa ótti. Qoǵamdyq jolaý­shy­lar tasymaldaıtyn oryn bolǵan­dyqtan, ót­ken-ketken júrginshiler qyzy­ǵý­shy­lyq tany­typ, óz pikirlerin bildirip jat­ty. О́z ana tiline shorqaq keı qandas­ta­ry­myzdyń bar kináni keńestik dáýirdiń qatal saıasatyna aýdaryp, aqtalatyndary jasy­ryn emes. Áıtse de «óz betimizshe úırenip jatyrmyz», – degen sekildi jyly pikirleri ja­nymyzdy jadyratty. Bul rette, memlekettik qyzmette jumys isteıtin ózge ult ókilderiniń qazaq tilin úı­renýge degen talap-talpynystary joǵary eken­digin atap ótken mańyzdy. Kópshilik ta­rapynan ási­re­se, sózdikke qosa berilgen dıski, búkteme-plakattarǵa suranys erekshe bol­dy. Igiligine jaratsa.. Buny jaqsy­lyqtyń nyshanyna baladyq. Shara maqsaty – memlekettik tildiń qo­ǵam­­­daǵy róli men mańyzyn arttyrý, qazaq ti­liniń qoldanys aıasyn keńeıtip, halyq ara­synda ke­­ńi­nen nasıhattaý. Is-shara budan bylaı da eli­­mizdiń barlyq aımaqtaryn qam­tıtyn bolady. Raýshan TÁÝIRHANQYZY, jýrnalıst.