«Oblysymyzda sońǵy bes jylda 200-den astam densaýlyq saqtaý nysandary salyndy, 100-den astam nysandarda kúrdeli jóndeý jumystary júrgizildi, jyl saıyn medısınalyq qural jabdyqtar jańartylyp, jabdyqtalý kórsetkishi 65 paıyzdan asyp otyr. Bıylǵy jyly oblysymyzda 34 nysan salynyp, iske qosylady. Sol nysandardyń biri – Shornaq aýylyndaǵy emhana. Osy emhanada jumys atqaratyn medısına qyzmetkerleri jańa ǵımaratta aýrýdy aldyn alýda, emdeýde sapaly medısınalyq qyzmet kórsetetin bolady. Jańa emhana qutty bolsyn aǵaıyn, halyq ıgiligine paıdalansyn!»-dedi ákim.
Saltanatty túrde ashylǵan Túrkistan qalalyq emhanasyna qarasty Shornaq aýyldyq emhanasy búgingi zamanaýı úlgide, jańa talaptarǵa saı salynyp, jasaqtalǵan. Burynǵy aýyldyq kishigirim eski emhanany jańartý maqsatynda, sondaı-aq, eń ózekti máseleniń biri – halyq densaýlyǵyn jaqsartý úshin boı kótergen bul jańa ǵımarattyń qurylysy 2016 jyly bastalǵan bolatyn. Búginde 231 mln. teńgege salynǵan emhananyń ǵımaraty zaman talabyna saı jabdyqtalǵan. Emxana ǵımaratynyń qurylysyn A.Berdash basqaratyn merdiger TOO «As Stroı» júrgizgen.
Shornaq aýyldyq emhanasy kúnine 100 turǵyn qabyldaýǵa arnalǵan. 2 qabatty emhanada 51 bólme men 8 tósek oryndy kúndizgi bólimi bar. Emhanada jumys atqaratyn 61 qyzmetkerdiń 7-eýi dáriger, 37-si meıirbıke, 17-si kishi qyzmetker.
Sapar barysynda oblys ákimi Júınek aýyldyq okrýgindegi 120 oryndyq «Shamshyraq» balabaqshasynyń ashylý saltanatyna qatysty. Júınek aýyldyq okrýgindegi 120 oryndyq «Shamshyraq» bala baqshasyn ashýdaǵy negizgi maqsat – aýyl okrýgine qarasty orta mektep ishindegi 234 balamen jumys jasap istep shaǵyn ortalyqty ornalastyrý úshin, mektep ǵımaratyndaǵy synyp jetispeýshiligi máselesin sheshýge ıaǵnı arnaıy bala baqshaǵa arnap salynǵan ǵımarattyń qajettiliginen týyndaǵan.
Balabaqsha ǵımaratynyń qurylys jumystaryn 2016 jyldyń sáýir aıynan beri bas merdiger «Nysh - Er» JShS-gi júrgizip, 2017 jyldyń mamyr aıynda aıaqtap, búgin qoldanysqa berdi. 120 balaǵa arnalǵan «Shamshyraq» bala baqshasy búginde qajetti qural-jabdyqtarmen tolyq qamtylǵan.
Oblys ákimi kelesi aıaldaǵan nysan Qarashyq eldi mekenindegi «Turan» aýyl sharýashylyǵy kooperatıvi boldy. Habıbýlla Azımov basshylyq jasaıtyn «Turan» aýyl sharýashylyǵy kooperatıvi 2007 jyldan beri jumys istep kele jatyr. Sodan beri kooperatıvte tamshylatyp sýǵarý tehnologııasy qoldanylǵan maqtanyń egis alqabynda maqta jáne maqta talshyǵy ónimderi óndiriledi. 156 jumysshy eńbek etetin bul «Turan» aýyl sharýashylyǵy kooperatıvi óz jumysyn jandandyryp, 2016 jyly arnaıy zamanaýı qurylǵylarmen jabdyqtalǵan sút óńdeý sehyn ashty. Búginde halyqtyń kúndelikti tutynatyn sút, sary maı, syr, qaımaq, aıran syndy sút ónimderiniń birneshe túrlerin óndiredi. Atalmysh kooperatıvtiń sút óńdeý sehynyń smetalyq quny 195 mln teńge qurasa, kásiporyn basshylyǵy sehta eńbek etetin 12 jumysshyǵa aıyna 55-60 myń teńge kóleminde jalaqy tóleıdi. Qazirgi tańda kápsiporyn ónimderi jergilikti halyq ıgiligine tolyq tutynýǵa bolatyn sapaly, ári senimdi, baǵasy tıimdi. Aıta keterligi munda sút ónimderinen bólek, maqta maıy, kir sabyn, maqtadan mal azyǵynyń birneshe túri daıyndalady. Jáne de tamshylatyp sýarý qurylǵylaryn shyǵaratyn seh jumys istep tur.
