Kórmeniń saltanatty ashylý rásimine deıin Prezıdent Nursultan Nazarbaevtyń shet memleketterdiń basshylaryn dál sol jerde turyp qarsy aldy. Segiz qabatty ǵımarattyń ishi de, syrty da kóz tartady. Al ekspozısııalary kirgen adamdy birden bolashaqqa jeteleıdi. Fýtýrıstik lıftiler, shynydan jasalǵan konstrýksııalar, lazerlik shoýlar men proeksııalyq kórinister - bári-bári adamzattyń balamaly energııa kózderin izdep, tabıǵat baılyqtaryn barynsha saqtaýǵa degen qulshynysyn, eren eńbegin kóz aldyna keltiredi.
Ekpozısııanyń negizgi maqsaty - Samuryq qus týraly shejireni kórsetý. Munda jer men kókti baılanystyratyn Báıterek pen Samuryq qustyń altyn jumyrtqasynyń dekorasııasy ornatylǵan. Sondaı-aq, Esik qorǵanynda tabylǵan Altyn adamnyń kóshirmesi tur. Al ekinshi shatyrda fýtýrıstik Astanaǵa sapar jasalady.
Pavılonda qazaqstandyq ónertapqyshtar men olardyń oılap tapqan jańalyqtary xalyqtyń nazaryna shyǵarylyp otyr. Munda dıirmennen bastap qazirgi ozyq texnologııalarǵa deıingi ónertabystar qoıylǵan. Sonymen qatar, qozǵalystyń arqasynda qýat kózderiniń qalaı óndiriletinin kórýge bolady.
