Jalpy aýmaǵy 4 jarym gektardy alyp jatqan ámbebap sport nysany negizgi eki bólikten turady. Ákimshilik turmystyq keshende voleıbol, basketbol, shaǵyn fýtbol, boks, trenajer jáne horeografııa zaldary ornalasady. Al ekinshi bólikte stadıon, fýtbol alańy, 400 metrlik júgirý jolaǵy jáne ózge de oıyn alańdary ashylady. Oıyndardy bir mezette 1200-deı adam tamashalaı alady. Bir sózben aıtqanda, munda sporttyń barlyq túrimen aınalysýǵa, álemdik deńgeıdegi saıystardy ótkizýge múmkindik bar.
Merdiger kásiporyn basshylarynyń aıtýynsha, nysan osy jyldyń kúzinde paıdalanýǵa beriledi. Keshen qurylysyna jergilikti qazba baılyǵyn ıgerýshi kompanııa esebinen 700 mıllıon teńgeden astam qarjy bólingen.
– Ishinde jattyqtyrýshylardyń, sportshylardyń jýynatyn, daıyndalatyn, kıinetin, sport quraldary turatyn bólmeleri bar. 1200 kisi syıady, – dedi qurylys ýchaskesiniń basshysy Esenaman Qajyǵalıev.
