Áskerı kelisimge keldi

Qazaqstan Respýblıkasy Qorǵanys mınıs­­triniń orynbasary, general-maıor Talǵat Jan­júmenov bastaǵan qazaqstandyq áskerı delegasııa «Nıjnıı Tagıl-2011. Reseı qarý-jaraq kór­­mesi» atty VIII halyqaralyq qarý-jaraq pen ás­kerı tehnıka jáne oq-dáriler kórmesine qatysty. Munda nebir áskerı qaharly tehnıkalardyń urys kezindegi múmkindikteri kedergilermen júrý arqyly kórsetildi. Sol sııaqty jaýyn­ger­lik, ınjenerlik-saperlik jáne avtokólik teh­nı­­kalarynyń múmkindikteri jattyǵýlardy júzege asyrý barysynda kópshiliktiń kóz aldynda ótti. Kórmede Reseı Federasııasynyń Premer-Mınıstri Vladımır Pýtınmen Qazaqstan Res­­­pýblıkasy Qorǵanys mınıstriniń orynbasary, general-maıor Talǵat Janjúmenov kezdesip, Reseı úkimetiniń basshysyna eki el arasyndaǵy áskerı-tehnıkalyq yntymaqtastyqtyń qazirgi jaǵdaıy men keleshekte damý barysy týraly habarlady. Al Reseı Federasııasynyń Prem­­­er-Mı­nıstri ekijaqty baılanystyń bolashaqta da­mýy­na qyzyǵýshylyq tanytty. Kórme jumysynyń qorytyndysy boıynsha eki el arasynda birlesip tank jasaý, avto­qu­­rylys, áýe shabýylyna qarsy júıelerge qyzmet kórsetý sııaqty kelisimderge qol jetkizildi. Oksana PARPÝRA, Qorǵanys mınıstrligi baspasóz qyzmetiniń ókili.