Uıymdastyrýshylardyń aıtýynsha, balalar «О́ner», «Ǵylym», «Álem jáne mádenıet» sııaqty birneshe baǵytta jumys isteıdi. Olar mekteptiń, el men álemniń damý joldaryn ártúrli rakýrstarda qarap, synı oılap ári kreatıvti bolýlary qajet. Sol arqyly bolashaqqa kóz salý oqýshylardyń ózderin de qyzyqtyrǵan syńaıly. Aqyr sońynda olar elý jyldan keıingi qurbylaryna hat jazyp tastap ketpek.
Oqýshylar ózderiniń jetekshilerimen kóbirek ári naqty derekter jınaý maqsatynda mektepke mamandardy shaqyrady, ádebıetterdi oqıdy, jan-jaqqa shyǵady. Jınaǵan málimetterin óńdep, kompıýterge basady. Sheteldik jáne otandyq jetekshilerimen jáne 11 synyptyń eriktilerimen jumys istegen balalar maqalalaryn qazaq, aǵylshyn, orys tilderinde jazyp, sýret jáne beınematerıaldarmen tolyqtyrady.
– Jınalǵan málimetter kapsýlaǵa ornalastyrylyp, mekteptiń jańa ǵımaratynyń aýlasyna kómiledi, ony 50 jyldan keıin ashyp, oqyǵandar qazirgi adamdardyń qalaı ómir súrgeninen habardar bolady, – deıdi mektep dırektory Kýlfarıda Raısova.
