«Ashyǵyn aıtý kerek, balamaly energetıkanyń arqasynda barlyq máselelerdi sheshý múmkin emes. Osy oraıda gazdyń barynsha taza energııanyń kózi bola alatynyn moıyndaýmyz qajet. Reseı gaz energetıkasyn damytýdyń arqasynda parnıktik gazdardyń mólsherin azaıtyp otyr. Qazir bizde energııa resýrstaryn tutyný kóleminiń jartysy gazǵa tıesili. Kómirdiń enshisinde - 15-aq prosent. Al gıdrostansııalar, atom men balamaly qýat kózderi energııanyń 35 paıyzyn berip otyr. Oǵan gazdy qossaq, 85 paıyz bolady. Osylaısha, búginde Reseı aımaǵynda energııanyń basym bóligi kómirsýtegi joq, ıa bolmasa, kómirsýtegi tómen shıkizattan óndiriledi. 2035 jylǵa deıin biz atalǵan kórsetkishti 90 paıyzǵa deıin jetkizýdi kózdeımiz. Degenmen, qazirdiń ózinde álemiń iri ekonomıkalarymen salystyrǵanda,Reseıdiń energetıkalyq balansy taza ári birneshe salany qamtıdy. Bul úzdik tájirıbe bolyp sanalady», dep atap kórsetti Novak.
Aıta keteıik, búgin EKSPO-2017 kórmesi aıasynda energetıka jónindegi VIII Halyqaralyq forýmy men osy saladaǵy mınıstrlerdiń kezekti konferensııasy ótti. Otyrys barysynda RF energetıka mınıstri Aleksandr Novak Eýropanyń qazirgi ustanymyna óz eliniń renishin bildirdi. Al Saýd Arabııasynyń energetıka mınıstri Halıd ál-Falıh munaı baǵasyna boljam jasady
