Tarıh taǵylymyn qurmettep, jaqsylyqtyń sabaǵyn tarıhtan alǵan, jarqyn bolashaqqa aqylmen, kemel saıasatymen qadam basqan elimiz álemdik sahnada óziniń kóregen saıasatynyń týyn tigip otyr. Bul − bolashaqtyń da mereıin ústem etetin uly jetistik.
Qazirgi tańdaǵy bizdiń elimizdiń jetistigi − ol el ishinen shyqqan erdiń jetistigi. Týǵan elin aıalaı bilgen, eldiń turaqtylyǵyn, tynyshtyǵyn saqtaı bilgen Memleket basshysy N.Á.Nazarbaevtyń júrgizip otyrǵan strategııalyq saıasaty barlyq Qazaqstan halqyn eldik isterge jeteleıdi.
Táýelsizdik alǵannan bergi ýaqytta Qazaqstannyń baǵyndyrǵan belesteri, shyqqan bıikteri az emes. El damýynyń qaı salasynda bolsa da qol jetkizgen barlyq jetistikterimiz keıingi urpaqqa óziniń ıgiligin kórsetetini sózsiz. Tarıhı ómirdiń qıynshylyǵyn qazaq halqynyń boıyndaǵy birlik, tatýlyǵymen, qonaqjaılyǵymen jeńgen halyqpyz. Qazaq halqynyń, búgingi elimizdiń boıynan izgilik shashqan qamqorlyǵy Qazaqstanda turyp jatqan barlyq etnostyń ulttyq naqyshta ósip, damýyna múmkindikter bere otyryp, tili men dinin, ádet-ǵurpy men dástúrin damytýǵa jaǵdaı jasaýda. Bul − álemge úlgi bolatyn ulaǵat.
Memleket basshysy N.Á.Nazarbaev jarııalaǵan «Bolashaqqa baǵdar: rýhanı jańǵyrý» atty maqalasynda zaman talabyna saı el bolyp, halyq bolyp qamdanýdy, ıkemdi ómir súrýdi ditteıtin tyń oılar aıtylǵan. Shynymen de qazir jahandaný dáýirinde álemniń dıdary ózgerdi, neshe túrli oqıǵalar oryn alyp jatyr, qundylyqtar baǵdary ózgerýde. Osyndaı daǵdarysy qatar júretin ótpeli ýaqytta eldi el etetin, halyqtyń basyn biriktirip, ıgilik jolyna uıytatyn qundylyqtar qandaı? Osy suraqqa Memleket basshysy óziniń halyqqa, bolashaqqa arnap jazǵan maqalasynda tııanaqty jaýap bergen.
«Kúlli jer júzi bizdiń kóz aldymyzda ózgerýde. Álemde baǵyty áli bulyńǵyr, jańa tarıhı kezeń bastaldy. Kún sanap ózgerip jatqan dúbirli dúnıede sana-sezimimiz ben dúnıetanymymyzǵa ábden sińip qalǵan taptaýryn qaǵıdalardan arylmasaq, kósh basyndaǵy eldermen terezemizdi teńep, ıyq túıistirý múmkin emes. О́zgerý úshin ózimizdi myqtap qolǵa alyp, zaman aǵymyna ıkemdelý arqyly jańa dáýirdiń jaǵymdy jaqtaryn boıǵa sińirýimiz kerek. HH ǵasyrdaǵy batystyq jańǵyrý úlgisiniń búgingi zamannyń bolmysyna saı kelmeýiniń syry nede? Menińshe, basty kemshiligi – olardyń ózderine ǵana tán qalyby men tájirıbesin basqa halyqtar men órkenıetterdiń erekshelikterin eskermeı, bárine jappaı eriksiz tańýynda. Ájeptáýir jańǵyrǵan qoǵamnyń óziniń tamyry tarıhynyń tereńinen bastaý alatyn rýhanı kody bolady. Jańa turpatty jańǵyrýdyń eń basty sharty – sol ulttyq kodyńdy saqtaı bilý», – deıdi Memleket basshysy.
Jańa aıtyp ótkenimizdeı, búgingi tańda táýelsiz Qazaq elinde bir shańyraqtyń astynda ómir súrýimiz, birinshi kezekte, halyqtyń túsinigin, aýyzbirligin negizdeıtin ulttyq qasıetterimizdiń, qundylyqtarymyzdyń bolýy. Qazaqtyń zııaly uldarynyń biri Mustafa Shoqaı aıtqandaı, «Jaman adam bolǵanymen, jaman halyq joq». Bizdiń biletinimiz, qazaq ulty qashanda kez-kelgen halyqqa, urpaǵyna qurmetpen qaraýdy úıretken. Elbasynyń maqalasynda zerdelenip, úlken másele retinde qoǵam aldyna qoıylyp otyrǵan ulttyq sana máselesi osy ustanymdy meńzeıdi.
«Eger jańǵyrý eldiń ulttyq-rýhanı tamyrynan nár ala almasa, ol adasýǵa bastaıdy. Sonymen birge, rýhanı jańǵyrý ulttyq sananyń túrli polıýsterin qıynnan qıystyryp, jarastyra alatyn qudyretimen mańyzdy. Bul – tarlan tarıhtyń, jasampaz búgingi kún men jarqyn bolashaqtyń kókjıekterin úılesimdi sabaqtastyratyn ult jadynyń tuǵyrnamasy. Men halqymnyń taǵylymy mol tarıhy men yqylym zamannan arqaýy úzilmegen ulttyq salt-dástúrlerin aldaǵy órkendeýdiń berik dińi ete otyryp, árbir qadamyn nyq basýyn, bolashaqqa senimmen bet alýyn qalaımyn», − dep atap kórsetken Elbasy maqalasynda.
Barshaǵa belgili, Elbasynyń «Bolashaqqa baǵdar: rýhanı jańǵyrý» ıdeıasy búgingi bizdiń ýaqytymyz úshin ǵana emes, keler ýaqytta ómir súretin, Qazaqstandy óz Otanym, óz úıim dep sanaıtyn urpaqtar úshin, el bolashaǵy úshin asa qajet ári izgiligi mol dúnıe. Muny zerdelep, halqymyzǵa baǵyt berer taǵylymyn nasıhattaý, kóterilgen máselelerdi, usynylǵan ıdeıalardy uǵynyp, onyń júzege asýyna atsalysý − bizdiń tarıh, el, halyq, urpaq aldyndaǵy qasıetti boryshymyz. Memleket basshysy atap kórsetkendeı, «Tól tarıhymyzǵa, babalarymyzdyń ómir saltyna bir sát úńilip kórsek, shynaıy pragmatızmniń talaı jarqyn úlgilerin tabýǵa bolady. Halqymyz ǵasyrlar boıy týǵan jerdiń tabıǵatyn kózdiń qarashyǵyndaı saqtap, onyń baılyǵyn únemdi ári oryndy jumsaıtyn teńdesi joq ekologııalyq ómir saltyn ustanyp keldi». Memleket ortaq úıimiz, onyń rýhyn jańǵyrtyp, múddesin kózdiń qarashyǵyndaı saqtaý kim-kim úshin de qasıetti is bolsa kerek.
Elbasy aıtqandaı, elimizdiń jarqyn bolashaǵy bizdiń qolymyzda. Zaman talabyna saı ýaqytty, bilimdi, eńbekti, densaýlyqty qadirleıtin qoǵam bizdiń memleketimizdiń saıasatyn durys túsinýden bastalady. Sondyqtan barshamyz bolyp osy tarıh aldyndaǵy uly isti júzege asyrýǵa jumylýǵa tıistimiz.
Elbasy N.Á.Nazarbaevtyń «Bolashaqqa baǵdar: rýhanı jańǵyrý» atty maqalasyndaǵy «Týǵan jer» baǵdarlamasyn, «Qazaqstandaǵy 100 jańa esim» «Jahandaǵy zamanaýı qazaqstandyq mádenıet», «Qazaqstandyq qasıetti rýhanı qundylyqtar» jobalaryn júzege asyrýǵa etnomádenı birlestikter tolyq jaýapkershilikpen, belsendilikpen atsalysatyn bolady.
