El erteńi – aıbyndy jas sarbazdar!

Qorǵanys mınıstrliginiń jas­­tar­ǵa áskerı-patrıottyq tár­bıe berý ba­ǵytynda atqaryp jat­qan jumys­ta­ry­nyń aýqymy jyl ótken saıyn ul­ǵaıyp, sapa­sy artyp keledi. Mı­nı­s­tr­lik «Qazaqstan-2020: bolashaqqa bas­­­­tar jol» Qazaqstan Respýb­lı­­­ka­sy mem­lekettik jastar saıa­­­sa­tynyń 2020 jyl­ǵa deıin­gi tujyrymdamasy» aıa­syn­da orta­lyq jáne aımaqtyq at­­qa­rý­­­­­shy organdarmen, qoǵamdyq uı­­ym­­dar­­­men birlesip, elimiz boı­­ynsha jas ar­­mııa­shylardyń qo­­ǵamdyq qozǵalysyn jan­dan­dyrý jumystaryn udaıy júr­gi­­­zip keledi.
Búgingi tańda bul jumystar je­misti nátıjelerin berý ústin­de dep tolyqqandy aıta alamyz. Máselen, sońǵy jyldary eli­mizde áskerı-patrıottyq klýb­tar­dyń sany 13 esege kóbeıse (177-den 2308-ge), oqýshylardy ás­kerı-patrıottyq sharalarǵa tartý 70 paıyzǵa ósken (38 000-nan 65 000-ǵa deıin). Biz budan jas­tar­dyń bos ýaqyttaryn ne­ǵurlym bilim alý­ǵa, áskerı isti meńgerýge arnaıtynyn ań­ǵa­ramyz. 
Jyl saıyn maýsym aıyn­da «Astana» óńirlik qol­bas­shy­ly­­ǵynyń «Spassk» oqý-jattyǵý or­talyǵynda memlekettik deń­geıde tarıhı mańyzy zor, tár­bıelik ma­ǵynasy basym «Aı­byn» áskerı-pat­rı­ottyq jas­tar jıynyn ótkizý dástúrge aı­­naldy. Osy jerde jıynnyń bas­ty mindetterin de atap ótken abzal. Tara­typ aıtar bolsaq, ol – jastardyń áskerı-patrıottyq tárbıesin jetildirý, áskerı-patrıottyq klýbtardyń is-qı­mylyn úılestirý, jastardy Qarýly Kúshterdegi áskerı qyzmetke daıarlaý, olardyń boıynda áskerı qyzmetti óteý kezindegi qajet daǵdylar men eptilikti qalyptastyrý, sondaı-aq jastarǵa salamatty ómir saltyn nasıhattaý, dene, áskerı-qol­danbaly jáne tehnıkalyq daıar­­lyqty joǵarylatý.
Qorǵanys mınıstrligi bı­yl da ás­kerı-patrıottyq ju­mys­tardy odan ári jetildirý, árt­úrli memleketterdegi jas sar­­­baz­­dardyń uıym­da­ry­men ha­lyq­­­aralyq ynty­maq­tas­tyq­tyń pi­­shinin da­mytý, ha­lyq­aralyq dos­­tyqty ny­ǵaı­­tý jáne jastardy ınter­na­sı­­onaldyq kelisim men ózara qur­­met rýhynda tár­bı­eleý maq­sa­tynda 12-17 maýsym ara­lyǵynda «Spassk» oqý or­­ta­lyǵynda III halyq­aralyq «Aı­byn» áskerı-patrıot­tyq jastar jı­ynyn ótkizbek. Oǵan eli­miz­diń ár aımaǵynan 600-den astam jas qa­­tysatyn bolady. 
Bıylǵy jıynnyń ta­ǵy bir ereksheligi, oǵan О́zbekstan Res­pýblıkasynyń ókil­deri qa­tysqaly otyr. Shet mem­le­ket­­ter­diń áskerı atta­she­leri, aımaq­tar­daǵy jas­tar is­teri máse­­­le­leri jónindegi bas­qar­ma­lar­dyń ba­s­shylary já­ne res­pýb­lı­kal­yq jastar uıym­da­ry­­nyń kósh­­­basshylary qonaq re­­tinde sha­qyrylǵanyn da aıta ket­ken oryndy. 
«Aıbyn» áskerı-patrıottyq jas­tar jıyny 13 maýsymda resmı túrde ashy­lyp, jalaýyn kó­teredi. Ha­lyq­ara­lyq jıynnyń ashylýynda qazaq­stan­dyq ás­kerı qyzmetshiler jek­pe-jek ury­sy­nyń aıla-tásilderin, ar­na­ıy maqsattaǵy bólimshelerdiń jaý­yn­ger­leri urys qımyldaryn, avıasııa men artıllerııanyń qol­daýyna súıengen rotalyq-tak­tıkalyq top jaýyngerlik atystar kórsetedi. Jıynǵa qaty­sý­shylar men meımandar Áskerı áýe kúshteri Avıasııalyq oqý ortalyǵynyń ushý toptary men parashıýtshileriniń, sondaı-aq Qaraǵandy áskerı-tehnıkalyq mektebi motosıklısteriniń óne­rin tamashalaıtyn bolady.
Bıylǵy jyldyń taǵy bir ja­ńalyǵy, barlyq aımaqtyq ás­ke­rı-patrıottyq klýbtardyń ju­mysyn ortalyqtandyrý, «Jas sarbaz» Respýblıkalyq shtaby­nyń j­u­­mysyn jandandyrý maqsatynda, Qazaq­stan Respýblıkasy Qarýly Kúshte­ri­­niń Ulttyq áskerı-pat­rı­ottyq orta­ly­ǵy «Aıbyn» ha­lyq­aralyq áskerı-pat­rı­ot­tyq jastar jı­ynynyń resmı saıtyn iske qosty. 
Saıttan halyqaralyq jıyn tý­raly, jıynǵa qatysýshy komand­alar men qa­tysýshylarǵa qajet aqparattardy (ja­rys­­tar­dyń ót­kizilý erejesi, regla­menti, jı­yn ere­jesi, jıyn bas­shy­ly­ǵynyń qu­ramy, t.b.) alý­ǵa bolady. So­nymen bir­ge, jı­ynnyń ótken jyl­dar­da­ǵy ma­te­­rıaldarymen de tolyq tany­sa alasyz. 
Bıylǵy jıynnyń basty ja­ńalyǵy, oǵan qatysýshy bar­­lyq áskerı-patrıottyq klýb­tar­dyń ózindik belgileri bar ar­naıy jo­bamen daıyndalǵan kı­im úlgisimen qam­tamasyz etilýi bo­lyp otyr.
Búginde jastardy pat­rı­o­t­­tyq tur­ǵy­dan tárbıeleý, ás­kerı-qoldanbaly sport túr­le­rin dáripteý, sportqa baýlý ju­mystaryn kúsheıtý, salamatty ómir sal­tyn nası­ha­t­taý, oqý­shylardyń dene daıarlyǵynyń deń­geıin kóterý – Qarýly Kúshterdiń basty usta­nymy.
Jıyn sheńberinde jastardy sportqa mashyqtandyrý jáne ıntel­lektýaldyq qabiletin art­tyrý maqsatynda tanys­ty­­ry­lymdar, kórmeler, áskerı-qol­danbaly sport túrlerinen jarystar ót­kiziledi. Onyń negizgi maq­saty – jastar­dyń boıynda patrıottyq sezimdi oıatý, Qazaqstan tarıhy boıynsha bilim­deri men shyǵarmashylyq yntala­ryn anyqtaý, tanym­dyq bel­sen­­diligin arttyrý, ınje­ner­lik-tehnıkalyq min­detterdi oryndaý qabileti men dos­tyq qarym-qatynasta áre­ket etý­ge baýlý, salamatty ómir saltyn ustanýǵa beıimdeý. 
Burnaǵy jyldarǵa qaraǵanda, jarys túrlerine aıtarlyqtaı óz­gerister enip otyr. Jıyn baǵ­darlamasy «Erýdıt» ıntel­lek­týaldyq oıyny, «Meniń rob­otym» robotehnıkalyq kon­kýr­sy, pnev­ma­tıkalyq vıntovka­dan atý, bel­te­mirge tar­tylý, áskerı kross, koman­da­lyq peı­nt­bol, mega-art «Aıbyn daýysy» fes­tı­­vali, «World of tanks» kom­pıý­terlik oıynyn qamtıdy.
«Aıbyn» jıyny jas­tar úshin otan­súı­gishtiktiń, dos­tyq­tyń jáne tulǵa bolyp qa­lyp­tasýdyń shynaıy mektebi. Biz – birlik týyn berik ustaǵan, bar­shaǵa úlgili kópultty elmiz. Sondyqtan da memleket úshin jas­tarǵa rýhanı-adamgershilik tár­bıe berý jáne shyn mánindegi patrıotty daıyndaý óte mańyz­dy. Bul óz kezeginde memleket­ke jas­tardy patrıottyq tár­bı­eleýdiń jańa modelin qa­lyp­tastyrýǵa kómektesedi. Áskerı-patrıottyq uıymdar qozǵalystarynyń jumysyn jan­dandyryp, jastardy qa­zaqstandyq otanshyldyqqa tár­bıe­leýge baǵyttalǵan jobalardy iske asyratyn bolady.

Muhamedjan TALASOV,
general-maıor, Bas shtab bastyǵynyń orynbasary – Qazaqstan Respýblıkasy 
Qarýly Kúshteri Bas shtaby Tárbıe jáne ıdeologııalyq jumystar departamentiniń bastyǵy