«Qazaqstannyń boksy myqty. Sondyqtan biz osy elden maman shaqyrýdy jón kórdik. Qazaqstan boks federasııasy bizge kómek kórsetetindigin aıtty. Jaqyn arada olar bizge laıyqty maman jiberedi degen úmittemiz», deıdi Tang.
Bas hatshynyń aıtýynsha, Pákistan boks federasııasy qazaq bapkerine aıyna 2500 AQSh dollar tóleýge daıyn. Sondaı-aq, kelisim shart merzimin úsh nemese tórt jylǵa jasaýǵa nıetti.
Aıta keteıik, eki kún buryn Nepal quramasynyń bas jattyqtyrýshysy bolyp otandasymyz Muhtar Berdimbetov taǵaıyndalǵan edi. Al, Atlanta Olımpıadasynyń qola júldegeri Bolat Nııazymbetov búginde Ońtústik Koreıa eliniń quramasyn baptaıdy. Ol Koreıa quramasyna deıin Irak boksshylaryn jattyqtyrǵan.
