Shırek ǵasyrdan asa merzim Táýelsizdigimizdi tııanaqtap, bar-joǵymyzdy túgendegen kezde, Prezıdentimizdiń «... Qazaqstanǵa túbegeıli jańǵyrý jáne jańa ıdeıalar arqyly bolashaǵyn baıandy ete túsýdiń teńdessiz tarıhı múmkindigi berilip otyr» degen baılamyn árqaısymyzǵa berilgen tapsyrma retinde qabyl alýǵa tıispiz. «Bolashaqqa baǵdar: rýhanı jańǵyrý» maqalasynda Memleket basshysy tutas qoǵamnyń jáne árbir qazaqstandyqtyń sanasyn jańǵyrtýdyń birneshe baǵytyn alǵa tartady. Bolashaqta ulttyń tabystylyǵy onyń tabıǵı baılyǵymen emes, adamdarynyń básekelik qabiletimen aıqyndalatynyn , ol úshin tutas ult HHI ǵasyrǵa laıyqty qasıetterge ıe bolý kerektigin atap kórsetedi. Qazaqstandyq patrıotızmdi qalyptastyrý jalǵan úgitpen emes, týǵan ólkeniń ár súıemin, toǵaıy men kólin, aýyly men jaılaýyn tanyp, syılap, qurmetteýden bastaý almaq. Sóz arasynda óz tarapymyzdan bul baǵytta biraz isterdiń basy qaıyrylǵanyn aıta ketkim keledi. Osydan eki jyl buryn Soltústik Qazaqstannyń tarıhı toponımıkasy zerttelip, «Atameken ataýlary» degen atpen ujymdyq eńbek shyǵaryldy. Tek taralymy az bolǵany ǵana ókinishti, áıtpese respýblıkada joǵary baǵalandy.Byltyr jaryq kórgen «Soltústik Qazaqstan oblysy: tarıh jáne taǵylym» degen monografııa da «Týǵan jer» baǵdarlamasymen tolyq úndesedi. Bir sózben aıtqanda, ulttyq rýhymyzdyń oıanýy, kemeldenýi babalardan mıras bolyp qalǵan muralardy qaıta túlete bilýimizben de tyǵyz baılanysty bolmaq. Salt-dástúrlerdi saqtaý, tildi qurmetteý, qadirleý ulttyq sananyń kemeldengenin bildirse kerek. Maqalada ulttyq mádenıetti jańǵyrtýǵa, keritartpa ádetterden bas tartýǵa da erekshe mańyz berilgen. Elbasy usynǵan «Týǵan jer» jobasy da asa qasterli. Bizdiń ujym óńirdiń damýyna aıtarlyqtaı úles qosqan túrli kásip ıeleriniń, ardaqty azamattardyń galereıasyn jasaýdy uıǵaryp otyr. О́ıtkeni, shynaıy patrıotızmniń kórinisi atamekendi túletýge qatysýyńnan da aıqyn baıqalady.
Prezıdent árbir qazaqstandyqtyń «básekelik qabileti» týraly máseleni óte durys qozǵady. Qazir toı emes, oı jarystyratyn zaman. Júrdek ýaqyt ólshemimen qaraıtyn bolsaq, jeke adamdardyń qanshama kúshin, baılyǵyn tekke rásýa etip jatqanyn ańǵaramyz. Ońdy-soldy esepsiz jumsalǵan ysyrapshylyqqa jol bergender, dańǵoılyqpen ataǵyn shyǵarǵysy keletinder, jomarttyqty daraqylyq dep uǵatyndar qanshama! Ondaılar qanaǵatshyldyqtyń, qarapaıymdylyqtyń qadir-qasıetin túsine bermeıdi. Mine, osyndaı shekten shyqqan, úrdis sıpatqa aınalǵan teris áreketterdiń tamyryna balta shabý úshin aldymen minez-qulyqty túzeý, júrekke ıman uıalatý kerek. «Talap, eńbek, tereń oı, qanaǵat, rahym» (Abaı) ǵana bilimdi, kózi ashyq, kókiregi oıaý bolýǵa umtyldyrady.
Maqalada atap ótilgendeı, jańa jaǵdaıda jańǵyrýǵa degen ishki umtylys– bizdiń damýymyzdyń basty qaǵıdasy. Ol aldymen sanadaǵy silkinisten tamyr alyp, zaman aǵymyna ıkemdele otyryp, jańa dáýirdiń jaǵymdy jaqtaryn boıǵa sińirýdi mindetteıdi.
Sáýle MÁLIKOVA,
oblystyq memlekettik muraǵattyń dırektory
Soltústik Qazaqstan oblysy
