Qoldaýdan qaǵys qalmaıdy

«Sizdiń «Egemen Qazaqstan» gazetinde shyq­qan «Shúı qazaǵynyń» tili nemese atajurtqa aı­tar naz» maqalasyna qatysty depýtattyq saý­alyńyzdy qarap, mynany habarlaımyn.

Búgingi tańda memlekettik organdar shetelde turatyn qazaq dıasporasy ókilderine má­de­n­ı jáne rýhanı qoldaý kórsetý jumystaryn júr­­gizýde.

Atap aıtsaq, jyl saıyn álemniń jıyr­ma­dan astam elinde turatyn sheteldik qan­das­tarymyzdyń, oralmandardyń, qazaq zııaly qaý­ym ókilderiniń jáne shákirtter qaýymynyń qa­­tysýymen halyqaralyq óner festıvali ót­kiziledi. Festıval aıasynda kórmeler men aqyndar aıtysy uıymdastyrylady. So­ny­men qatar, Dúnıejúzi qazaqtarynyń qaý­ym­dastyǵy arqyly jiberiletin «Týǵan til» al­manaǵy basyp shyǵarylady. Buǵan qosa, shet­eldegi qazaq dıasporasynyń turmysy týraly áleýmettik jáne taldamalyq zertteýler júrgizilip turady.

«Máńgilik El» jalpyulttyq patrıottyq ıdeıasy aıasynda jyl saıyn qazaqtardyń «kishi» quryltaıy ótedi, onyń maqsaty – Eýropa elderi men Túrkııa, AQSh, QHR jáne Mońǵolııa elderinde turatyn qazaqtarmen baılanysty nyǵaıtý, sonymen birge, olarǵa ana tilin zertteýge jáne mádenıetin saqtaýǵa ádistemelik jáne uıymdastyrýshylyq qoldaý kórsetý. Quryltaı sheńberinde qazaq tilin meńgerýi boıynsha dóńgelek ústelder, ǵylymı tá­ji­rıbelik konferensııalar jáne ártúrli baı­qaýlar ótkiziledi. Ústimizdegi jyldyń 22-25 maýsymy kúnderi Astana qalasynda Dú­nıe­jú­zi qazaqtarynyń V quryltaıyn ótkizý jos­par­lanyp otyrǵanyn atap ótken jón, onda qa­zaq dıasporasynyń mańyzdy máseleleri tal­qylanatyn bolady. 

Reseı mektepteriniń qazaqstandyq oqý­lyq­tar men oqý ádistemelik keshenderdi qol­da­nýyna qatysty osy bilim uıymdary jyl saı­yn Reseı Federasııasyna Bilim jáne ǵy­lym, Syrtqy ister mınıstrlikteri arqyly ji­be­riletin barlyq qajetti oqý - ádistemelik áde­bı­etpen qamtamasyz etilgenin habarlaımyz.

Osyǵan oraı, qazirgi ýaqytta Bilim já­ne ǵylym mınıstrligi, basqa múddeli mem­le­ket­tik organdarmen birlese otyryp, Reseı Fe­derasııasy Bilim basqarmasy tarapynan osy oqýlyqtar men oqý-ádistemelik keshenniń zańǵa sáıkestigin taný týraly jumystar júrgizýde. Atap aıtsaq, qazaqstandyq oqýlyqtar men oqý-ádistemelik quraldardyń Reseı bilim berý standartyna sáı­kes­­tigine saraptama jasaý (saǵattyq jik­te­me, materıal mazmuny boıynsha), olardy Re­seı standartyna beıimdeý múmkindigi, ár­túr­li uıymdastyrýshylyq rásimderdi qar­jy­landyrý tártibi, kózderi máseleleri py­syq­talýda.

Sondaı-aq Bilim jáne ǵylym, Mádenıet jáne sport, Syrtqy ister mınıstrlikteri men basqa da múddeli memlekettik or­gan­dar­ǵa atalǵan másele boıynsha Reseı Fe­de­ra­sııasyndaǵy ýákiletti memlekettik organ­darmen kelissózder júrgizý jáne tıisti eki­jaqty halyqaralyq shart nemese kelisim ja­saý qajettigi týraly máseleni pysyqtaý jó­ninde tapsyrma berildi».