Vus Lane jolaǵymen qatynaǵandar úshin aıyppul kólemi 5 AEK nemese 11 345 teńge. Bir jyl ishinde erejeni qaıtadan buzǵan jaǵdaıda – 10 AEK nemese 22 690 teńge, – dep habarlady Astana qalasy IID ÁPB bólim basshysy Tahır Abdýrahmanov.
«Jyl basynan beri ÁQB Kodekstiń 601 baby boıynsha – belgilengen jol belgilerin nemese ótetin jol belgileriniń talaptaryn elemegen, ıaǵnı, Bus Lane jolaqtarymen júrgen 464 quqyqbuzýshylyq anyqtalyp otyr», - dedi T.Abdýrahmanov Elorda ákimdiginiń medıa-ortalyq tilshisine.
Aıta keteıik, keıbir jaǵdaılarda júrgizýshilerge avtobýs jolaqtaryna shyǵýǵa ruqsat. Ondaı oryndar oń jaqqa burylatyn avtokólikterge qatysty ári ol úzik syzyqtarmen belgilengen.
Osyǵan deıin habarlanǵandaı, Astanada qoldanystaǵy Bus Lane jolaqtarynyń jalpy uzyndyǵy 40,6 shaqyrym. Qazirgi tańda qoǵamdyq kólikterge arnalǵan qosymsha jolaqtar qalanyń 13 ýchaskesine engizilgen. Bul sharalar avtobýs qozǵalystarynyń jyldamdyǵyn arttyryp, qaýipsizdikti kúsheıtýge baǵyttalyp otyr. Arnaıy jolaqtarmen qoǵamdyq jáne arnaıy kólikter ǵana qatynaı alady.
Bus Lane qosymsha jolaqtaryn engizý arqyly qoǵamdyq kólikterdiń ǵana emes, shuǵyl qyzmet kórsetetin qyzmetter men arnaıy taksılerdiń júrý jyldamdyǵyn arttyrýǵa mol múmkindik týyp otyr.
