Eleýsinovtiń ekpini

Keshe Bakýde bokstan ótip jatqan álem chempıonatynyń besinshi kúni bizdiń quramadan sharshy alańǵa 64 kılo salmaqtaǵy Danııar Eleýsinov shyǵyp, shotlandııalyq Djosh Teılormen qolǵap túıistirdi. Osy kezdesýde qolyna byl­ǵary qolǵap kıgeli beri alǵash ret álem chempıonatyna qaty­syp jat­qan bizdiń boksshy qar­syla­syn aıqyn basymdyqpen jeńip, kelesi aınalymǵa joldama aldy. Bu­ǵan deıin jasós­pi­rim­der arasyn­da álem chempıo­ny, jastar ara­syn­daǵy álem birinshiliginiń kú­mis júldegeri, byltyrǵy jylǵy jazǵy Azııa oıyn­darynyń jeńim­pazy atan­ǵan astanalyq boks­shy­ǵa ult­tyq quramanyń bas bapkeri Myrzaǵalı Aıtjanov beker senim artpapty. Kezdesýde ol ózin er­kin sezinip, birinshi raýndtan bas­tap-aq soqqylar jasaýǵa kóshti. Shotlandııalyq ta osal boks­shy emes eken, bizdiń boksshy­nyń shabýylyna jaýap qaıtarý­ǵa um­tylyp otyrdy. Biraq ekinshi raýndta Eleýsinov qarsy­la­syn nok­daýnǵa jiberdi. Alaıda, Teılor esin tez jınady. Osy kezde ulttyq quramanyń bapkeri Myrzaǵalı Aıtjanov pen ózi­niń jeke bapkeri jáne ákesi Marat Eleýsinovtiń shar­shy alań­nyń syrtynan Danııar­ǵa keńesterin berip, qamshylap jat­qanyn da kózimiz shaldy. Bapker­leriniń aıt­qan sol aqyl-keńesimen boksshy da alǵa umtylýyn jalǵas­tyryp, qarsylasyna birneshe ádemi soq­qy­lar jasap úlgerdi. Qazaq boks­shy­synyń qaharyna ilikken Teı­­lor kezdesýdegi esepti teńes­tirý­ge tyrysqanymen, onysynan eshteńe shyqpady. Al úshinshi raýnd taza táýel­sizdiktiń tól qurdasynyń basym­dyǵymen ótti dese bolady. Sóı­tip, kezdesýdiń sońynda osyndaı tak­tıkany ustanǵan boksshymyz shot­landııalyq qarsylasyn 11 : 5 esebimen aıqyn jeńdi. Bizdiń boksshynyń salmaǵynda kýbalyq Ronıel Solotongo, aǵyl­shyn Tomas Stalker, ázerbaıjan Gaıbatýlla Gadjalıev, majar Gýıla Kate, mońǵol Mýnkh Erdene Ýranchımes bar. Degenmen, boks­shy­nyń ákesi jáne bapkeri Marat Eleýsinovtiń aıtqanyndaı, ár aı­qasqa durys taktıka ustanyp shy­ǵatyn qazaqstandyqtyń bıylǵy álem chempıonatynan dámesi zor. Sońǵy kezderi elishilik jarys­tar­da qarsylastaryn shydatpaı júrgen boksshymyz byltyrǵy Azııa oıyndarynda altyn tu­ǵyr­dan qol bulǵap, ózin jaqsy qyrynan kórsetken bolatyn. Jalpy, osy jolǵy álem chem­pıonatynda Olımpııa oıyn­dary­nyń 92 joldamasy sarapqa saly­ný­da. Bul synda Londonǵa joldama alý úshin boksshylar 49 kılo, 91 kılo jáne +91 kılo salmaq dárejeleri boıynsha úzdik alty boksshynyń qatary­nan kórinýge tıis. Al ózge sal­maq­tarda shırek fınalǵa shyqsa da jetkilikti. Búgin Baký rıngine 60 kılo salmaqta Ǵanı Jaılaýov pen 75 kılodaǵy Danabek Sýjanov shyǵady. Ekeýi de Qazaqstannyń bir emes, birneshe dúrkin chem­pıo­ny. Jaılaýov Jambyl ob­ly­synyń ókili. Komanda sapyn­daǵy tájirıbeli boksshylardyń biri. Ol stýdentter arasyndaǵy álem chempıonaty men Azııa chempıo­natynda jeńis tuǵyryna kóteril­gen. 2009 jyly Mılanda ótken álem chempıonatyna da qatysty. Biraq, sol kezde onyń joly bol­mady. Qazaq­stan­dyq­tyń bıylǵy chempıonattaǵy al­ǵashqy qarsy­la­sy – japon Shota Nakaıama. Danabek Sýjanov eresekter arasyndaǵy álemdik dodada rıng­ke alǵash ret shyqqaly otyr. Onyń qarsylasy – taıpeılik Iаng Iý Tıng. Osy báse­kege О́ske­men­nen Danabektiń ákesi Jumaǵul Sýjanov ta kelipti. Balasyna jankúıer bolý úshin ǵoı. Ákesi­men kún saıyn kezdesemiz. «Jeńe me? Joldama ala ma?» dep suraımyz. О́zi de kezinde tórt jyl bokspen aınalysqan Júkeń: «Ázirshe eshteńe aıtpaımyn. Bárin rıng kórsetedi», deıdi týra jaýaptan qashqaqtap... Dastan KENJALIN, «Egemen Qazaqstan» – Bakýden.