Endigi jerde 14 paıyzdyq jyldyq mólsherlemeniń 7 paıyzyn «Damý» Qory sýbsıdııalaıdy. Jalpy somasy 400 mıllılon teńge bolatyn nesıe 3 jyl merzimge «Sberbank» AQ EB arqyly beriledi. Kompanııanyń óz qarajaty 102 mln teńge, jobanyń jalpy quny 502 mln teńgeni quraıdy.
Bólingen qarajyǵa qurylys kompanııasy Aqtóbede jalpy aýmaǵy 3 771 sharshy metr (54 páter) bolatyn 9 qabatty turǵyn úı keshenin salmaq. «Nurly jer» baǵdarlamasy men «Sberbank» AQ EB jáne «Turǵynúı qurylys jınaq banki» AQ arasyndaǵy talap boıynsha jańa keshenniń 27 páteri Turǵyn úı qurylys jınaq bank salymshylaryna shekteýli baǵamen beriledi. Osylaısha, qurylys aıaqtalǵan soń atalǵan bank salymshylary sharshy metri 140 myń teńge bolatyn páterlerge qol jetkize alady. Aqtóbedegi bul jańa turǵyn úı kesheni bıyl 15 tamyzda paıdalanýǵa beriledi.
«Nurly jer» baǵdarlamasy baǵyttarynyń biri – jeke kompanııalardy qurylys jumystaryn júrgizýge yntalandyrý. Esesine ekinshi deńgeıli bank nesıesiniń syıaqy mólsherlemesi sýbsıdııalanady. Bul – halyqtyń qol jetimdi páterge ıe bolýyna múmkindik beredi», – dedi «Damý» Kásipkerlikti damytý qory» AQ Basqarma tóraǵasy Abaı Sarqulov.
Esterińizge sala keteıik, «Nurly jer» baǵdarlamasy jeke qurylys kompanııalarǵa QR Ulttyq bank belgilegen 16 paıyz syıaqy mólsherlemesimen nesıe berýdi kózdeıdi. «Damý» Qory 7%-yn sýbsıdııalaıdy. Kompanııa qalǵan 9 paıyzyn óteıdi. Sýbsıdııalar turǵyn-úı qurylysymen aınalysyp júrgen kásipkerlerdiń jańa nesıelerine beriledi.
Aınash ESALI,
«Egemen Qazaqstan»
