Qazaqstannyń úsh jobasy – Elektrondyq úkimet, Ashyq úkimet jáne 1414 Biryńǵaı baılanys ortalyǵy osy baıqaýdyń chempıondary atandy.
WSIS Prizes-2017 bedeldi konkýrsyna álemniń ártúrli elderinen 345 joba qatysyp, daýys berý men ádilqazylar alqasynyń sarapshylyq baǵasynyń qorytyndysy boıynsha 90 joba óz sanattarynynyń úzdik bestikter qataryna ilikti.
Halyqaralyq baıqaý 18 sanat boıynsha ótkizildi. «Elektrondyq úkimet» sanatynda Qazaqstannyń elektrondyq úkimeti (eGov.kz) jáne Qazaqstannyń ashyq úkimeti (Open.egov.kz), al «Memlekettik basqarý organdary men múddeli taraptardyń damytý maqsatymen ınfokommýnıkasııalyq tehnologııalardy qoldanýdaǵy róli» atty sanatynda «1414 Biryńǵaı baılanys ortalyǵy» jobalary qatysty.
WSIS Prizes-2017 konkýrsy 4 deńgeı boıynsha ótkizildi: ótinimderdi qabyldaý, sarapshylar tobymen baıqaýdyń nomınanttaryn anyqtaý, onlaın daýys berý júrgizip ár sanat boıynsha eń úzdik degen bestikti irikteý, jeńiske jetken jobalardy anyqtaý.
WSIS dúnıejúzilik kezdesý Forýmy – ınfokommýnıkasııalyq tehnologııalar salasyndaǵy iri sharalardyń biri, kúlli álem boıynsha yqpaldy IT-sarapshylary dıalog júrgizetin alańy. Jan-jaqty ótkiziletin kezdesýge memlekettik basqarý organdarynyń, úkimetaralyq jáne úkimettik emes uıymdardyń ókilderi, jekeshe sektor men azamattyq qoǵamnyń ókilderi qatysady. Forýmnyń basty maqsaty – árbir azamat aqparat jasap, derektermen erkin almasa alatyn ári barlyǵyna qoljetimdi ashyq aqparattyq qoǵam qurýdaǵy basty maqsattardy anyqtaý.
