«Attestattaý komıssııasy 67 memlekettik qyzmetkerdiń memlekettik laýazymyn joǵarylatýdy usyndy. Al 32 qyzmetkerdiń atqaryp otyrǵan laýazymyna saı emestigi anyqtalyp, qyzmetin tómendetý usynyldy», - deıdi memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departamentiniń basshysy Toqtamys Jumaǵulov.
Respýblıkalyq bıýdjetten qarjylandyrylatyn memlekettik organdar boıynsha 34 memlekettik qyzmetshiniń laýazymyn tómendetýge usynys berilgen. Al 14 qyzmetshi atqaratyn laýazymyna saı emes dep tanylyp, jumystan shyǵarý usynyldy.
Departament basshysy dáleldi sebeptermen attestattaýdan ótpegen «B» korpýsynyń memlekettik ákimshilik qyzmetkerlerin maýsym aıynyń sońyna deıin ótkizý josparlanyp otyrǵanyn aıtady.
Baqytgúl Babash,
«Egemen Qazaqstan».
Atyraý.
