«Petropavl qazaq klassıkalyq gımnazııasynan on balany úkilep qosyp otyrmyn. Olardyń arasynda Aıaýlym Káribaı bolashaǵynan úlken úmit kúttiredi. Qazaq, orys, aǵylshyn tilderinde ánderdi keremet shyrqaıdy», deıdi «Aınalaıyn» bı tobynyń jetekshisi Botagóz Mámetova.
Aıaýlymnyń anasy Ásemgúl Amanova tulymshaǵy jelbiregen qyzynyń byltyr da qatysyp, jaqsy óner kórsetkenin, bıyl da baǵyn synamaqshy bolǵanyn, másele, júldeli oryn alýda emes, eń bastysy tájirıbeleri tolysyp, ysylady, deıdi.
Taıynsha aýdanynan kelgen Ámına Japar «Zvezdy Prııshımıa» oblystyq baıqaýynyń jeńimpazy, «Aıalaǵan Astana-2017» konkýrsynyń Gran prı ıegeri. Ýkraınada uıymdastyrylǵan «Novaıa Volna-2017» jas oryndaýshylardyń halyqaralyq konkýrsynyń fınalynda jurtshylyq qoshemetine bólengen.
Baıqaýdy uıymdastyrýshy Tolǵanaı Hasenqyzynyń aıtýynsha, konkýrs balalardyń án shyǵarmashylyǵyn damytýdy kózdeıdi. Mýzykalyq bilim alýlaryna kómektesedi.
Qazylardyń sheshimimen Taıynsha qalasyndaǵy № 5 qazaq mektebiniń oqýshysy Ásel Tasmaqanova jeńimpaz dep tanylyp, respýblıkalyq kezeńge joldama aldy.
О́mir Esqalı,
«Egemen Qazaqstan».
Soltústik Qazaqstan oblysy
