21 maýsymǵa deıin roýd-shoý Atyraý, Qostanaı, Taraz, О́skemen, Semeı, Qaraǵandy, Oral sekildi taǵy 7 qalada ótpek.
Esterińizge sala ketsek, «Astana banki» AQ qarapaıym aksııalary maýsymnyń sońynda saýdalana bastaıdy, tıkeri – ABBN. IPO-nyń ındıkatıvtik baǵasy – bir aksııa úshin 1150 teńge. IPO-ǵa ornalastyrylatyn aksııalar sany – 2,1 mln. dana, ornalastyrym kólemi – 2,5 mlrd. teńge.
«Astana banki» AQ basqarma tóraǵasy Eskendir Maılybaevtyń málimdeýinshe, ınvestorlardan tartylǵan qarjy ary qaraı banktiń ónimder tizimin, IT-ınfraqurylymyn damytýǵa jáne de klıentter qoryn ulǵaıtýǵa baǵyttalatyn bolady.
О́z kezegide «Frıdom Fınans» kompanııasy sabaǵattyq qoldaý kórsetetin ornalastyrymnyń anderraıteri bolyp tabylady, sondaı-aq, ol market-meıker rólin atqaryp, baǵa belgilenimin qoldaýmen aınalysatyn bolady. Sondaı-aq, ornalastyrymnyń ortaq anderraıterleri retinde «Asyl Invest» AQ jáne «Eýrazııalyq kapıtal» AQ qatysyp otyr.
Aınash Esalı,
«Egemen Qazaqstan».
Almaty
