Ol óz sózinde balamaly energııany paıdalaný máselelerinde sheshimderdi birlesip izdestirýdiń mańyzdylyǵyn atap ótti.
«Bizdiń bárimizge turaqtylyq qajet. Búginde Ýkraına osy turaqtylyqty pash etýge jáne ádil básekelestiktiń arqasynda qazirgi álemde jáne turaqtylyq jaǵdaıynda ınvestısııalardyń qalaı jumys istep jatqanyn kórsetýge daıyn. Búgingi tańda Ýkraına balamaly energııa kózderdin engizip qana qoımaı, sonymen birge jel men kún sáýlesin belsendi túrde paıdalanýda. Sondaı-aq, EKSPO-2017 kórmesiniń negizgi mindeti jasampazdyqqa - baǵyttalǵan», - dedi Gennadıı Zýbka.
О́z kezeginde Qazaqstan Respýblıkasynyń energetıka vıse-mınıstri Baqytjan Jaqsalıev Astana qalasynyń kún, jel, bıogaz, teńiz jáne termaldyq sýlardyń energııasyn paıdalaný salasyndaǵy úzdik álemdik jobalar men trendterdi kórsetýge arnalǵan tıimdi alańǵa aınalatynyna senimin bildirdi.
«Osy jerde bolashaqtyń energııasyn paıdalaný máselelerindegi ozyq úlgiler kórsetiletin bolady. Balamaly energııany óndirý jáne tutyný salasyndaǵy serpindi jáne keleshegi bar jobalar usynylady. Ýkraındyq mamandar biz turatyn ǵalamshardyń ekojúıesin saqtaýǵa jáne jasyl energetıkany damytýǵa ózderiniń salmaqty úlesin qosýǵa daıyn», - dep atap ótti Baqytjan Jaqsalıev.
EKSPO-2017 Halyqaralyq mamandandyrylǵan kórmesiniń sheńberinde Ýkraınanyń Ulttyq kúnin merekeleý barysynda uzyndyǵy 30 metr mata súlgi tanystyryldy.
