Q.Toqaev ekijaqty qatynastardyń qarqyndy sıpatyn atap ótti. Senat Tóraǵasynyń pikirinshe, Prezıdent N.Nazarbaevtyń bıylǵy qazan aıyndaǵy Stokgolmge josparlanǵan sapary eki el arasyndaǵy, ásirese, saýda jáne ınvestısııa salasyndaǵy yntymaqtastyqty jańa sapalyq deńgeıge shyǵarady.
Shvesııa ınnovasııalyq jobalardy iske asyrýda álemdik kóshbasshylardyń qatarynda. Q.Toqaev osyǵan baılanysty bizdiń aýmaqqa joǵary tehnologııalyq óndiris ákelýge daıyn shved kompanııalarynyń qazaqstandyq naryqqa kelýine múddeliligin bildirdi. Sondaı-aq, Senat Tóraǵasy Shvesııanyń jańartylatyn energııany paıdalaný jónindegi tájirıbesi Qazaqstanǵa kerek bolýy yqtımal, dep sanaıdy.
Q.Toqaev Shvesııa Parlamenti Qazaqstan men Eýropalyq Odaq arasyndaǵy Keńeıtilgen áriptestik pen yntymaqtastyq týraly kelisimdi birinshi bolyp ratıfısııalaǵandardyń biri ekenin atap ótti. Bul qujat bizdiń ózara qatynastarymyzda jańa taraý bolyp otyr. Eýropalyq Odaq Astananyń saýda-ekonomıka jáne ınvestısııa salasynda jetekshi áriptesteriniń biri ekeni belgili.
Ý.Alın ekijaqty baılanystarda parlamentaralyq únqatysýdyń erekshe oryn alatynyn atap ótip, shved tarapynyń Qazaqstanmen jan-jaqty ózara is-qımyldy keńeıtýge yqylasyn rastady.
