Mańǵystaý oblystyq sotynyń aqparattyq qamtamasyz etý bóliminiń basshysy Ákimdik jospary boıynsha atshaptyrym aýmaqqa medısınalyq kolledj ben emhana ǵımaraty, jataqhana men aq halattylarǵa arnalǵan turǵyn úıler salynýy kerek edi. Jospardy iske asyrý úshin 2013 jyly «Aqtaý qalasynyń medısınalyq kolledji» men «Alfa-Týr Aktaý» JShS arasynda qurylys jumysyn júrgizý týraly kelisimshart jasalady. Kelisimshart negizinde qurylys kompanııasy emhana, medkolledj, sport kesheni men turǵyn úı salýǵa kirisedi. Turǵyn úı qurylysyn salý kezinde eki aradaǵy kelispeýshilik týyndaıdy da, «eki túıe súıkense, arasynda shybyn ólediniń» kerimen, jer paıdalanýshy men merdiger arasyndaǵy daýda úleskerler úlken zardap shegedi.
О́z esebinen turǵyn úı salǵan seriktestik jeke tulǵalarmen páter satý-satyp alý týraly kelisimsharttarǵa otyryp, úleskerler qurylys nysandaryn qarjylandyryp kelgen. Alaıda, jer paıdalanýshy men bas merdiger arasynda kelispeýshilikter saldarynan kolledj dırektory men seriktestik arasyndaǵy kelisimshart buzylyp, nysan qurylysyn júrgizgen seriktestik ákimshilik jaýapkershilikke tartylyp, ǵımarattyń qurylys-montajdaý jumystary aıaqtalmaı qalady. Sonyń saldarynan turǵyn úıler salynyp bitkenimen, paıdalanýǵa qabyldanbaǵandyqtan jáne kommýnıkasııalyq jeliler tartylmaǵandyqtan, páter ıeleri belgilengen merzimde úılerine kire almaı sandalady. Bul ýaqytqa deıin aı saıyn qoldaǵy bar tıynyn sanap berip, qurylystyń tezirek aıaqtalýyn tilep júrgen turǵyndar óz páterlerin anyqtap, tipti keıbiri ishki jóndeý jumystaryn da bastap ketken bolatyn. Janjal etek alǵan soń úleskerler sottan basqa barlyq jergilikti bılik organdarynyń esigin tozdyryp, arasha suraıdy.
Qurylys jumysyn sońyna deıin jetkize almaǵan bas merdiger ortaq paıdalanýǵa berilgen jer ýchaskesindegi óz úlesin anyqtaý týraly jer paıdalanýshyǵa qarsy sotqa talap-aryzben júginedi. Sot prosesi bastalǵan soń úleskerler de sotqa júginip, ortaq úlestegi jerlerin bólip, anyqtap berýdi, óz mindetterin atqaryp, turǵyn úı máselesin barlyq jaqqa tıimdi etip sheshýdi suraıdy.
Uzaq merzimge sozylǵan sot otyrysy úsh taraptyń medıatıvtik kelisimge kelýimen aıaqtalyp, eki tarap ózara tıimdi sheshimge kelse, úshinshi tarap – úleskerler turǵyn úı kesheniniń tehnıkalyq qujattaryn jasap, kommýnaldyq jelilerdiń tartylýyna qol jetkizdi. Sebebi, sot prosesin júrgizgen sýdıa jas bolsa da kásibı biliktiligin tanytyp, úsh tarapqa da tıimdi sheshim shyǵarýdyń jolyn qarastyryp, durys baǵyt-baǵdar berýiniń arqasynda taraptar medıatordyń kómegine júgingen edi.
Osylaısha, birneshe turǵyndy «túnde uıqydan, kúnde kúlkiden aıyrǵan» daý sońy kelisimmen aıaqtaldy. Sot uıǵarymy zańdy kúshine engennen soń Qazaqstan Respýblıkasy Joǵarǵy Sotynyń Tóraǵasy Q.Mámıdiń atyna úleskerlerden, ıaǵnı «Aqbulaq» turǵyn úı kesheni turǵyndarynyń atynan Alǵys hat kelip tústi. Alǵys hatta japa shekken 200-den asa úleskerdiń ishinde eńbektegen baladan, eńkeıgen qarııaǵa deıin, bir ǵana tabysqa qarap otyrǵan zeınetkerlerdiń, jas otbasylardyń, múgedek jandar men az qamtylǵan otbasylardyń bar ekeni aıtylypty. Qurylys salýshylar men jer ıeleri arasyndaǵy daýdyń saldarynan uzaq ýaqyt ábigerge túsip, boılaryn úreı men qorqynysh bılegen otbasy músheleri sottyń sońǵy núktesin taǵatsyzdana kútken.
«Sot sheshimi qordalanǵan máseleniń túıinin barlyq jaqqa tıimdi etip shyǵaryp, úleskerler arasyndaǵy áleýmettik tolqýdy der kezinde basty. Sebebi, biz bar jıǵan-tergenimizdi salyp otyrǵan jalǵyz baspanamyzdan aıyrylǵan jaǵdaıda eń aqyrǵy áreketke barýǵa daıyn tur edik. Sondyqtan, máseleniń baıyby men onyń saldaryn túsinip, qarapaıym adamdardyń zańdy quqyǵyn qorǵap, sýdıaǵa tán biliktiligimen, kásibı sheberligimen syılastyq pen izettik tanytqany úshin, ádil sheshim shyǵarǵany úshin Mańǵystaý oblystyq sotynyń tóraǵasy J.Alanovqa jáne osy isti aıaǵyna deıin qaraǵan Mańǵystaý oblysynyń mamandandyrylǵan aýdanaralyq ekonomıkalyq sotynyń sýdıasy A.Bekbolatovqa alǵys bildiremiz» delingen hatta.
Osyndaı kúrdeli daýlardyń arasynda qarapaıym halyq zardap shegip jatatyn jaıttar az emes. Keıde aldyna kelgen adamnyń taǵdyry men janaıqaıyna mán berýge mursha bermeıtin jaıttar da, jaýapkershilik pen bilimniń tómendigi de sebep bolyp, saldary aýyr tıip jatady. Sondyqtan árbir azamat adal eńbekpen tapqan ár tıynyn jumsarda, ásirese, jyljymaıtyn múlik máselesine kelgende barlyq qujattardyń tolyq ári zańdy bolýyn talap etip, saýattylyq tanytqandary abzal. Al jandaryn shúberekke túıip kelgen «Aqbulaq» turǵyn úı kesheni turǵyndary úshin túıin sheshildi, ıyqtarynan eńselerin kótertpeı kelgen júk tústi. Olar úsh tarapty da rıza etken jan-jaqty, saýatty sot sheshimine rıza. «Aqqa qudaı jaq» bolyp, aýyr isti abyroıly alyp shyǵa alǵan mańǵystaýlyq sottyń sheshimi men sheberligi edi bul.
Gúlaıym ShYNTEMIRQYZY,
«Egemen Qazaqstan»
Gaýhar NURHANOVA,
Mańǵystaý oblysy
