Q. Toqaev Qazaqstanda energııa jınaqtaý jáne «jasyl» ekonomıkany damytý salasyndaǵy ınnovasııany ilgeriletýge erekshe nazar aýdarylyp otyrǵanyn atap ótti. Qazirgi kezde ótip jatqan aýqymdy sharalar – «EKSPO-2017» halyqaralyq kórmesi men Astana ekonomıkalyq X forýmy keleshegi zor osy baǵytqa arnalyp otyr.
Senat Tóraǵasy Ornyqty damý-2030 ben klımattyń ózgerýimen kúres salasyndaǵy kún tártibine uıymnyń qosyp kele jatqan úlesin joǵary baǵalady. Bizdiń elimizde FAO uıymymen birlese otyryp «Jasyl kópir» áriptestik baǵdarlamasy iske asýda, «jasyl» ekonomıkaǵa kóshý jónindegi tujyrymdama ulttyq deńgeıde qabyldandy. EKSPO pavılondary negizinde BUU aıasynda «jasyl» tehnologııalar men ınvestısııalyq jobalardy damytý jónindegi halyqaralyq ortalyq ashyldy.
Astanada 2016 jyly ashylǵan uıym Bıýrosynyń tıimdiligin arttyrý jónindegi birqatar usynystar aıta kelip Q.Toqaev: «Qazaqstan FAO-men yntymaqtastyqty údetýdi kózdep otyr», - dedi.
V. Rahmanın FAO baǵdarlamalaryn iske asyrýǵa belsendi qatysqany úshin Qazaqstanǵa alǵys aıtty jáne ózara tıimdi ári nátıjeli yntymaqtastyqty damytýǵa senim bildirdi.
