Sheteldik balaqaılar Qazaqstan jaıly beınerolıkten tanysyp, álem nazary aýyp otyrǵan taqyrypty jan-jaqty ashýǵa tyrysqan.
«Kishkentaı balalardyń áseri erekshe keledi. Eresekterge qaraǵanda olardyń qorshaǵan orta men álemdi sezinýi basqasha. Osy sebepti bolar, júldeli oryndardy anyqtaý birshama qıyndyq týdyrdy. Meniń oıymsha, baıqaýǵa qatysqan árbir bala – jeńimpaz. Shyǵarmalardan kıiz úı, jazyq dala men taýly jerler, qazaq dalasynyń keńdigi men sulýlyǵyn anyq ańǵarylady», deıdi qazylar alqasynyń tóraıymy Lıdııa Gırko.
"Sálem, Qazaqstan" halyqaralyq baıqaýy sáýir aıynan bastalyp, 127 búldirshin óz sýretterin jibergen. Italııadan 25, Polshadan 27, Reseıden 29 sýret joldanǵan. Tipti, bir ıtalıandyq búldirshin qazaqstandyqtarǵa arnap beınerolık te jiberipti. 150-den astam jumystyń arasynan eń úzdikteri tańdalyp, marapatqa ıe boldy. Birinshi orynǵa "ART-palıtra" beıneleý stýdııasynyń tárbıelenýshileri men ıtalıalyq "Floreale" balabaqshasy laıyq dep tanyldy. Júldeli ekinshi jáne úshinshi oryndardy teriskeılik balǵyndar ıelendi.
"Kopernık" oblystyq polıak mádenı ortalyǵy jetekshisiniń orynbasary Valentına Kornevanyń aıtýynsha, balǵyndardy elin, jerin súıýge kishkentaı kezinen baýlý kerek. Patrıottyq taqyryptyń tańdap alynýy sondyqtan. Osy baıqaý arqyly sheteldik balalar Qazaqstan jaıly mol maǵlumat ala bildi.
О́mir Esqalı,
«Egemen Qazaqstan».
-
