«Damý» Qorynyń Basqarma tóraǵasy Abaı Sarqulov ekinshi deńgeıli bankter men mıkroqarjy uıymdary arqyly 1,5 mlrd teńgeniń 31 myń jobasy jeńildikpen nesıelendirilgenin atap ótti. Kásipkerlerdiń 9,7 myń jobasy 1 trln 811 mlrd teńgege sýbsıdııalandy. Kepil múlki jetispegen kásipkerlerdiń 3 myń jobasy 104,3 mlrd teńgege kepildeme aldy. 3,3 myńǵa jýyq kásipker bilimin jetildirdi.
Tek qana 2016 jyly «Damý» Qorynyń qoldaýyn alǵan kásiporyndar 4 trln teńgeniń ónimin shyǵaryp, qyzmetin kórsetken. 253 mlrd teńge salyq tólep, 26 myń jumys ornyn ashty. Osylaısha bızneske salynǵan árbir 1 teńge salyq túrinde 4 teńge bolyp qaıtqan. 2016jyly Qordyń jeke kapıtaly 100 mlrd teńgege jýyqtap (98,7 mlrd), Qazaqstan bank sektorynyń jalpy somasynyń 3,5% qurady. Qor aktıvteri 349,4 mlrd teńgeni quraıdy. Bul – Qazaqstan bankteri aktıviniń jalpy somasynyń 1,4 paıyzy.
«Damý»Qory aldaǵy jyldary damýdyń birneshe baǵytyn kózdep otyr. Atap aıtqanda: kórsetiletin barlyq qyzmetterdi tolyqtaı avtomattandyrý, qarjy sýpermarketin qurý, mıkroqarjylandyrý, isin jańa bastaǵan jáne bıznesi bar kásipkerlerdi oqytý.
Byltyr osy ýaqyttan beri «Jańa bıznes ashýdy qoldaý», «Stýdent jastar arasynda kásipkerlik bastamalardy qoldaý» jáne «Startap Akademııa» jobalary aıasynda 3 834 adam oqyp, onyń 357-i óz bıznesterin ashty. 39 joba Qor baǵdarlamalary aıasynda qarjy aldy. 817 adam qashyqtan oqytyldy.
Sol sııaqty kompanııanyń shet eldik spıkerleri – KODIT Nesıelerge kepildeme berý qory (Koreıa), Túrkııa shaǵyn jáne orta kásipkerlikti qoldaý jáne damytý uıymy, BPIFrance Fransýz Innovasııalyq Agenttigi jáne Malaızııa shaǵyn jáne orta bıznes korporasııasy ókilderi kásipkerliktiń álemdik úzdik tájirıbeleri týraly áńgimelep, «Damý» Qoryna otandyq kásiporyndardyń básekege qabilettiligin kóterý boıynsha aqyl-keńesterin berdi.
Sondaı-aq sessııa kezinde «Damý» Qory men halyqaralyq uıymdar arasynda qazaqstandyq kásipkerlerge memleket tarapynan qoldaýdy damytý jáne ekonomıkalyq, saýda áriptestigin jaqsartýdy kózdegen memorandým men áriptestik jaıly kelisimderge qol qoıý rásimi ótti.
Aınash Esalı,
«Egemen Qazaqstan».
Almaty
