Nıger Kaddafıdi qaıtarmaq emes

Nıger ókimeti Interpoldyń jáne Lıvııanyń jańa bı­li­giniń suraý salýyna qaramastan, Mýammar Kaddafıdiń uly Saadı Kaddafıdi ekstradısııalaýǵa qarsy. Eldiń premer-mınıstri Brıjı Rafını osyndaı málim­deme jasaǵan kórinedi. Saadı Kaddafı Nıger ókimetiniń zańdy qaramaǵynda, ol Nıameı qalasynda qaýipsiz jaǵdaıda júrip jatyr. Qazirgi kezde ony ekstradısııalaý týraly másele qaralǵan joq. Ony Lıvııaǵa jibermes buryn biz qaýipsizdik kepili men oǵan qatysty ádildiktiń oryn alatynyna senimdi bolýymyz kerek, dep atap kórsetken B.Rafını. ChAVESTIŃ DENSAÝLYǴY JAQSY Venesýela basshysy Ýgo Chaves óziniń densaýlyǵynyń kúrt nasharlaǵany tý­raly BAQ-tar taratqan aqparatty teriske shyǵardy. Memleket basshysy Mıraflores sa­raıynyń baǵyndaǵy beısbol alańyna kelip, telekameralar aldynda birneshe márte dop laqtyryp, odan soń ózin baqylap turǵan baspasóz ókilderine jaqyndaǵan. Prezıdent óziniń tolyq saýyǵyp ketýi úshin sanaýly ǵana kúnderdiń qalǵanyn aıtyp, sonymen birge 2012 jyly ótetin memleket basshysy saılaýyna óziniń qatysatynyn da málimdegen. AIYPTAÝShYMEN BETPE-BET KEZDESTI Parıjde Halyqaralyq valıýta qorynyń burynǵy basshysy Domınık Stross-Kan men oǵan ózin zorlamaq boldy dep aıyp taqqan jazýshy Trıstan Banon arasynda betpe-bet kezdesý ótti. Banon men Stross-Kannyń betpe-bet kezdesýine eshqandaı advokattar qatyspaı, tek polıseıler ǵana bolǵan. Tergeý úsh saǵattaı ýaqytqa sozylǵan. Endigi jerde istiń odan ári qozǵalýyn nemese jabylýyn tártip saqshylary resimdegen hattama boıynsha sot sheshetin bolady. Jazýshymen kezdesýden keıin qarjyger baspasózge suhbat berýden bas tartqan kórinedi. DIPLOMATQA JASALǴAN ShABÝYLDY AIYPTADY AQSh ókimeti Damaskide amerıkalyq dıplomatqa jasalǵan shabýyldy qatań aıyptady. Memlekettik hatshy Hılları Klınton bul áreketti «bútin­deı negizsiz» dep baǵa­laǵan. Sondaı-aq ol dıplomatııalyq korpýs qyzmetkerleriniń qaýipsizdigin qamta­masyz etý qabyl­daýshy jaqtyń, atalǵan jaǵdaıda Sırııanyń tikeleı mindeti ekenin de atap kórsetken. Aıta ketý kerek, 29 qyr­kúıekte Sırııadaǵy qazirgi rejimdi jaqtaýshylar amerıkalyq dıplomat Robert Fordtyń avtomáshınesine tas pen qyzanaq laqtyrǵan bolatyn. EÝROODAQ QOLDAÝ BILDIRDI Varshavada ótip jatqan Shyǵys áriptestigi sammıti sheńberinde Grýzııa prezıdenti Mıhaıl Saakashvılı Eýro­odaqtyń syrtqy saıasat jáne qaýipsizdik jónindegi joǵarǵy komıssary Ketrın Eshtonmen kezdesti. Kezdesýde Grýzııa men EO-nyń qarym-qatynastary, qyzmettestiktiń jańa satysyna kóshýge baılanysty naqtyly sharalar talqylanǵan. Eshton men Saakashvılı Grýzııa men Eýroodaq elderi arasyndaǵy erkin saýda týraly shartty talqylap, ol boıynsha kelissózderdi bastaýǵa daıyn ekendikterin málimdegen. Sondaı-aq K.Eshton Grýzııanyń bul baǵytta úlken jetistikke jetkenine rızashylyǵyn bildirgen. ÚNDISTAN – EŃ IRI QARÝ IMPORTTAÝShY Úndistan jalpy somasy 5,8 mlrd. dol­larǵa áskerı ónimder ımporttaı otyryp, 2010 jyly qarapaıym qarý-jaraqty eń iri satyp alýshy atanyp otyr. Import kólemi jaǵynan 2,7 mlrd. dol­larǵa qarý-jaraq pen áskerı tehnıka satyp alǵan Taıvan ekinshi orynǵa, ım­porttyq qarý-jaraqqa 2,2 mlrd. dollar jumsaǵan Saýd Ara­bııasy úshinshi orynǵa ıe bolǵan. Pákstan da áskerı ımportqa dál osyndaı soma shyǵyndaǵan kórinedi. AQSh kongresiniń málimeti boıynsha, 2010 jyly álemdik áskerı eksporttyń basym bóligi damýshy elderdiń úlesine tıgen. EÝROPARLAMENT PALESTINANY QOLDADY Eýropa parlamenti Palestına ulttyq ákimshiliginiń Palestına memleketiniń táýelsizdigin taný týraly ótinishin zańdy dep tanydy. Mundaı sheshim Eýroparlamenttiń 29 qyrkúıektegi otyry­synyń qorytyndysynda qabyldanǵan. Sonymen birge qararda Palestına memleketin qurýdyń tek Izraılmen kelissózder júrgizý arqyly ǵana múmkin bolatyny atap kórsetilgen. Eýroparlament Palestınanyń 1967 jylǵy shekara boıynsha óziniń memleketin qurý quqyn moıyndaıdy delingen qabyldanǵan qujatta. О́Z ǴARYSh STANSASYN UShYRDY Qytaıdyń Szıýsıýan ǵarysh aıla­ǵynan «Tıangýn-1» atty tuńǵysh orbı­talyq modýl ǵaryshqa ushyryldy. Osylaısha is-júzinde, Jer ústinde ekinshi orbıtalyq stansa paıda bolyp otyr. Ol ázirge Halyqaralyq ǵarysh stansasyna básekeles bola almaıdy. Jospar boıynsha atalmysh stansa 2020 jylǵa qaraı tórt modýlden – negizgi, eki laboratorııalyq jáne júk modýlinen turyp, jalpy sal­maǵy 60 tonnaǵa deıin jetetin bolady. Bul qadam el ǵyly­mynyń damýyna zor úles qospaq. DÁRI SATQAN ALAIаQTAR ÁShKERELENDI Reseıden jáne Qytaıdan shyqqan alaıaqtar mıllıard­taǵan dollar turatyn jasandy jáne sertıfıkat­talmaǵan dárilerdi ınternet arqyly satyp, paıda taýyp kelgen. Qylmyskerler óte qaýipti ónimdi Reseıde nemese Qytaıda ornalasqan, bolmasa osy elderden basqarylatyn saıttar arqyly satyp otyrǵan. Tergeýshiler Ulybrıtanııada jasandy dáriler saýdalanyp kelgen 500 saıtty anyqtaǵan kórinedi. Brıtandyq polısııa ol saıttardy jabý jóninde Interpolǵa suraý jibergen. Reıd barysynda Interpol 7 kún ishinde 79 elden 2,5 mıllıon doza asa qaýipti kontrafaktili dáriler tárkilegen. Internet materıaldary negizinde ázirlendi.