«Shymkent-Kashemır» JShS – jún tútip, odan ıirilgen jipti shyǵaryp, syrylyp tigilgen kórpe jasaıtyn zaýyt. Búgingi kúni kásiporynnyń birinshi kezegi – júndi jýyp, taraıtyndy alǵashqy óńdeý sehy tolyq paıdalanýǵa berildi. Seh eń aldymen óndiristi óz shıkizatymyzben qamtamasyz etý úshin qurylǵan. Artylǵany Qytaıǵa eksporttalady. Jylyna 2000 tonnaǵa deıin jýylǵan jáne taralǵan jún shyǵara alady. Kásiporynda jergilikti shıkizat paıdalanylady.
«Keńes ýaqytyndaǵy ataǵy dúrkiregen jún óńdeýshi iri zaýyttar qazir toqtap qalǵan. О́kinishke oraı, óndiristiń bul túri tómen tabysty salaǵa jatady jáne úlken salymdy talap etedi. Biraq AEA aýmaǵynda ornalasqannyń esebinen jáne jekeleı jeńildik pen qoldaý bolǵandyqtan, biz jumys istep damyp kelemiz»,-deıdi Shaǵanbek Qanjarbaıuly.
Osy jyldyń qazan aıynda zaýyt aınalym qarajatyn tolyqtyrýǵa 50,0 mln teńge kóleminde nesıe aldy. Kásiporyn úshin paıyz mólsherlemesi 17% qurady, onyń 7% «Damý» Qory sýbsıdııalaıdy, qalǵanyn zaýyttyń ózi tóleıdi.
Qazirgi tańda kásiporynnyń ekinshi kezeńin júrgizý boıynsha jumystar atqarylyp jatyr. Taralǵan jún tizbegin óndiretin seh daıyn tur. Qurylǵylardyń jartysy satyp alynǵan jáne ornatylǵan, synamalar júrgizilýde. Kelesi jyly memlekettik qabyldaý aktisinen keıin, onyń iske qosylýy belgilenýde. Zaýyt 2011 jyldyń jeltoqsanynda ashyldy. Sońǵy eki jyl ishinde zaýytqa 160 mıllıon teńgeden kóp jeke qarajat salyndy. Investısııanyń jalpy kólemi – 560 mln teńge.
