Bul selolyq okrýgtarda 277 myń adam turady, olar aýyl-selo halqynyń 61 paıyzy bolyp tabylady. 2018 jyldyń 1 qańtarynan bastap bul ákimshilik-óńirlik qurylymdarda 5 mıllıard teńge bolatyn qarjyny óz betinshe ıgermek, onyń 1 mıllıard teńgesin selolyq okrýgtar ózderi salyqtan jınaıdy, qalǵany aýdandyq bıýdjetterden transfert arqyly alynady. Sonda bul árbir selolyq ákimshilikke 11 mıllıon teńgeden keledi, ıaǵnı 2017 jylǵy deńgeıden 8 ese artyq bolady.
Al qazir selolyq ákimdik aýmaqtaryndaǵy negizgi shyǵynnyń barlyǵyn aýdan ákimdikterindegi salalyq bólimder atqarady. О́z bıýdjetin ózi basqaratyn selolyq okrýgtar atqaratyn mindet az bolmaıdy, olar qazir 6 bıýdjettik baǵdarlama boıynsha jumys istese, aldaǵy jyly olardyń sany 18-ge jetpek. Bir mıllıard teńgeni tabý úshin salyqtyń buryn aýdan bıýdjetine ketetin jeke tabys salyyǵ, jeke jáne zańdy tulǵalarǵa salynatyn kólik salyǵy, sol óńirdegi jer salyǵy men jeke tulǵalardan alynatyn múlik salyǵy birden selolyq okrýg bıýdjetinde qalatyn bolady.
Názıra Járimbetova
«Egemen Qazaqstan»
QOSTANAI.
