Shara QR Úkimetiniń qaýlysymen bekitilgen «Qazaqstan Respýblıkasynda sırek kezdesetin jáne sırek jer metaldaryn óndirýdi damytýdyń 2015-2019 jyldarǵa arnalǵan josparynyń» sheńberinde júzege aspaq.
Táýelsiz Qazaqstanda mundaı joba alǵash ret júzege asyrylýda jáne sırek jer metaldary shıkizatynyń álem naryǵynda tapshylyǵyna baılanysty meılinshe ózekti másele bolyp tabylady. Qazaqstannyń aýmaǵynda barlyǵy 18 perspektıvaly ýchaske aldyn ala bólinip, kompanııa olar boıynsha kútilip otyrǵan resýrstardy baǵalap, Qazaqstanda sırek jer metaldaryn óndirýdi damytýdyń salalyq baǵdarlamasynyń nysanynda odan ári baǵalaý jumystaryn júrgizýdiń baǵyttaryn ázirleıdi.
«Qazgeologııa» AQ jobany oryndaý úshin ortalyqtary О́skemen, Almaty jáne Qaraǵandy qalalarynda ornalasqan Qazaqstannyń Shyǵys, Ortalyq, Ońtústik jáne Soltústik-batys óńirlerindegi ýchaskelerdi baǵalaý úshin kompanııa geologtarynyń ishinen tórt top qurdy. Joba óziniń máni boıynsha taqyryptyq ǵylymı zertteýlerge jaqyndaıdy ári ony iske asyrý úshin jobaǵa ǵylymı áriptes retinde Q.I. Sátbaev atyndaǵy Geologııa ǵylymdary ınstıtýty qatysyp jatyr.
Sondaı-aq, jumys tobyna geologııa-mıneralogııa ǵylymdarynyń doktory B.Raqyshev, geologııa-mıneralogııa ǵylymdarynyń kandıdattary A. Antonenko, R.Gýbaıdýllın jáne basqa da Qazaqstannyń ǵalym geologtary kirdi. «Qazgeologııa» AQ mamandary kúni búgin Ortalyq Qazaqstanda Aqmaıa-Jánet ýchaskesinde 408 q.km, Qońyrat ýchaskesinde 196 q.km rekognossırovkalyq geologııalyq marshrýttardan ótip, ýchaskelerde mıneraldaný aımaqtaryn zertteý úshin izdeý marshrýttaryn saldy. Budan basqa, kompanııa Ortalyq Qazaqstannyń Aqmaıa-Jánet, Qońyrat jáne Kóktenkól ýchaskelerinde burǵylaý jumystaryn oryndaýǵa kiristi.
Sondaı-aq, Aqmaıa-Jánet ýchaskesiniń Baınazar ken ornynda mamandar árqaısysynyń tereńdigi 80 q.m 2 uńǵymany burǵylady, sondaı-aq olarda 30 q.m burǵylanǵan 3-shi jáne 4-shi uńǵymalarda jumystar bastaldy. 2017 jylǵa arnalǵan jumystar josparyna sáıkes osy joba boıynsha jalpy kólemi 1440 q.m 18 uńǵyma burǵylaý josparlandy.
Budan basqa, osyndaı jumystar soltústik-batys óńirinde júrgizilýde, atap aıtqanda, Aıyrshoqy-Nadejdınskıı ýchaskesinde kúni búgin kólemi 325 km rekognossırovkalyq geologııalyq marshrýttar, 29 km izdeý marshrýttary oryndalyp, 22 synama men 52 úlgi iriktep alyndy.
Sondaı-aq, geologtar Qostanaı oblysynyń Jitiqara alańynda izdeý marshrýttaryn bastady, tıisinshe Shyǵys jáne Ońtústik óńirlerinde Qalba ýchaskesi men Qaraqamys alańynda rekognossırovkalyq jáne taýken jumystary oryndalýda. Kompanııaǵa 2 jyl merzim ishinde Qazaqstannyń barlyq negizgi sırek jer metaldary ken provınsııalary boıynsha daladaǵy taldamalyq rastaý jumystary júktelgen, olardyń nátıjeleri boıynsha geologııalyq zertteýlerdi odan ári júrgizý jónindegi baǵdarlama ázirlenip, ol QR Investısııalar jáne damý mınıstrliginiń Geologııa jáne jer qoınaýyn paıdalaný komıtetine tapsyrylady.
