Týrızm salasyndaǵy kásipkerlerdi qoldaýǵa baǵyttalǵan «Saıahat» aımaqtyq baǵdarlamasy balalar lagerin keńeıtý jáne qaıta jańartý, balalarǵa arnalǵan demalys úılerine kúrdeli jóndeý júrgizý, ınfraqurylymyn jańartý, tehnıkalyq bazasyn jańǵyrtý sekildi kóptegen máselelerdi kózdegen edi. Eń basty maqsat - lagerdiń balalarǵa yńǵaıly, jaıly, qolaıly qaýipsiz bolýy. Bul jobany iske asyrý úshin týrızm salasyndaǵy kásipkerlerdi qoldaýǵa baǵyttalǵan «Saıahat» aımaqtyq baǵdarlamasy sheńberinde «Qazaqstan Halyq Banki» AQ arqyly qarjylandyrylǵan.
Lager 32 jyldan beri jumys istep keledi. Sońǵy bes jyl ishinde eki ret «Balalardy saýyqtyratyn úzdik ortalyq» ataǵyna ıe boldy. «Flamıngo» ujymyndaǵy balalardyń demalysy negizinen ıntellektýaldyq jáne fızıkalyq damýyna, tárbıelenýine, tártiptiliktigine, patrıottylyqqa, tabıǵatqa uqyptylyqpen qaraýǵa baǵyttalǵan.
Balalar lagerinde ár top 12 kúnnen demalady. Qazir jańa jańarǵan lagerde jazǵy maýsymda 5 topty birden qabyldaı alady. Bir maýsymda 425 bala demalyp shyǵady. Munda 6 jastan bastap 13 jasqa deıingi balalar qabyldanady. Aqysy 65 000 myń teńgeden 75 000 myń teńge aralyǵynda. Ár topty qabyldaý barysynda jetim jáne az qamtylǵan otbasy balalaryn aqysyz alyp otyrý da dástúrge aınalǵan. Joba 65-ten astam adamdy jańa jumys ornymen qamtamasyz etti.
-17 jyl boıy «Flamıngo» balalardy saýyqtyrý ortalyǵynda kúrdeli jóndeý jumystaryn júrgizý sol mekemede qyzmet jasaýshylar men demalýshy balalar úshin arman bolyp kelgen bolsa, bul arman memleket tarapynan jeńildikpen beriletin nesıeniń arqasynda júzege asty. Ata-analar qam jemeýlerine bolady. Balalardyń qaýipsizdigi men saýyqtyrý, kóńil kóterý sharalary jolǵa qoıylǵan. Ár balany óz balamyzdaı kóremiz. Biz úshin eń bastysy - balalardyń kúlkisi men qýanyshy,-dedi «Flamıngo» JShS basshysy Janbolat Izetuly.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
