Ardagerler ardaqtalady

Búgingi tańda qazaqstandyq ardagerler qoǵam ómiriniń túrli salalaryndaǵy oń úderisterge barynsha belsendi atsalysyp keledi. Memleket basshysy, «Nur Otan» HDP Tóraǵasy Nursul­tan Nazarbaev qashanda ardagerler uıymynyń qyzmetin qoldap, olardyń elimizdiń ıgiligi jolyn­daǵy jumystaryn joǵary baǵa­lap keledi. Osyǵan oraı, 1 qazan – Qart­tar kúni «Nur Otan» HDP-nyń bastamasymen elimizdiń barlyq óńirleri men eldi mekenderinde  ardagerler uıymdarynyń belsendilerin qabyldaýlar ótedi. Atalǵan sharany uıymdas­tyrý­dyń áleýmettik baǵyty naqty­lan­sa, ekinshi jaǵynan ol «Nur Otannyń» jazǵy kezeńde júzege asyrǵan aksııalarynyń zańdy jalǵasy bolyp tabylady. Bul sharanyń ıdeıalyq túp­qaz­yǵy – jas urpaqty soǵys já­ne eńbek ardagerleriniń ómirin úlgi-ónege ete otyryp, qazaq­stan­dyq patrıotızm rýhynda tár­bıeleý. Sondaı-aq jurtshy­lyq nazaryn jergilikti jerlerdegi qart adamdardyń problema­laryna aýdarý. Osylaısha, búgin Qazaqstan­nyń oblys ortalyqtaryndaǵy «Nur Otan» HDP-nyń óńirlik fı­lıaldarynda ardager uıym­dary­n­yń belsendi múshelerin qabyldaýlar uıymdastyrylady. Bul sharalarǵa partııa aktıviniń, ardagerler uıymdarynyń jetekshileri, úkimettik emes uıymdar men shaǵyn jáne orta bıznes ókilderi, «Jas Otan» jastar qanatynyń músheleri qatysady. Shara barysynda partııanyń oblystyq bólimsheleriniń jetekshileri qabyldaýlarǵa qatysýshy­lar­dy «Nur Otannyń» halyqtyq tuǵyrnamasynyń oryndalýy, on­da­ǵy áleýmettik bloktyń júzege asyrylýy barysynan habardar etip, UOS ardagerleri men tyń eń­bek­kerlerine jáne qart adam­darǵa medısınalyq kómek kórse­týdiń jaǵdaıynan maǵlumat beredi. Sondaı-aq óńirlerdegi qart adam­dardyń áleýmettik jaǵdaıyn jaqsartý, olarǵa ataýly áleý­met­tik jáne materıaldyq kómek kór­setý tóńireginde áńgime órbıdi. Qabyldaý kezinde «Qarttarǵa qamqorlyq» baǵdarlamasyn júze­ge asyrý boıynsha atqarylǵan jumystarǵa saraptama jasalyp, ótkizilgen sharalardyń nátıje­leri týraly pikir almasylady jáne barlyq qatysýshylarǵa uıymdastyrýshylar atynan eskertkish syılyqtar tapsyry­la­tyn bolady. «Egemen-aqparat».