Memleket basshysy Germanııanyń burynǵy kansleri Gelmýt Koldiń qaıtys bolǵany týraly habardy zor kúızelispen qabyldady.
«О́z halqynyń ardaqty perzenti ári patrıoty, elin biriktirýde jáne eýropalyq ıntegrasııany damytýda negizgi ról atqarǵan G.Kol álem tarıhynda asa kórnekti memleket qaıratkeri retinde óshpes iz qaldyrdy.
Qazaqstan halqy G.Koldi ekijaqty dostyq qarym-qatynasty ornatýǵa jáne nyǵaıtýǵa zor úles qosqan parasatty tulǵa retinde árdaıym este saqtaıtyn bolady.
Qaıǵyǵa ortaqtasyp, marqumnyń týǵan-týystaryna jáne barsha Germanııa halqyna kóńil aıtamyn», – delingen jedelhatta.
