Ýaqyt bir ornynda turmaıdy. Keshegi Keńes ókimeti tusynda otyn-energetıkalyq keshen retinde búkil odaqtyq mánge ıe «Bogatyr» kenishi, álemge áıgili elektr stansalarymen, kóptegen kásiporyndar shoǵyrlanǵan óńir boldy. Búginde Ekibastuz mono qalalar qatarynda. Qala aýmaǵyna 2 kent, 27 aýyl qaraıdy. Shaǵyn jáne orta bıznes te jaqsy damyǵan. Indýstrııalandyrý saıasatyn iske asyrýdada orny bólek. Qalaǵa qaraıtyn aýyldyq aýmaqtar aýylsharýashylyq ónimderimen, kókónis, kartoppen qamtamasyz etip tur.
О́ńirde ındýstrıaldy ınnovasııalyq damý baǵdarlamasy barysynda quny 500 mlrd teńge turatyn 17 jobasy júzege asyrylýda. Elimizdiń básekege qabiletti ekonomıkasyn qalyptastyrýǵa úles qosyp kele jatqan, kenshiler qalasy deımiz.
Bıylǵy toı erekshe. 60 jyldyq mereıtoıǵa arnalǵan ıppodrom aýmaǵynda etnoaýyl ashylyp, 60 kıiz úı quryldy. Kenshiler qalasy jyl saıyn qazaqtyń uly tulǵalaryna arnap, kóshe ataýlary berilip, eskertkish ornatylady. Bıyl osy mereıtoıǵa oraı uly oıshyl Máshhúr Júsip babamyzǵa da eskertkish ashyldy. Ekibastuzdyqtardy qala kúnimen quttyqtaýǵa oblys ákimi Bolat Baqaýov ta keldi.
Ekibastuz elimiz úshin otyn energetıka jáne iri óndiristik ortalyq ekeni belgili. Qala halqynyń sany qazir 154 myńdaı. Sońǵy jyldary 4 mektep, 4 emhana, 4 jekemenshik medısınalyq ortalyq, 12 balabaqsha ashyldy. Bıylyǵy jyly «ANSA Silicon» JShS –men tehnıkalyq kremnıı óndirý boıynsha ınvestısııalyq jobany iske asyrý, «Greenhouse KZ» JShS-men jylyjaı keshenin keńeıtý jáne qoldanystaǵy óndiris alańyn arttyrý, «Prommashkomlekt» JShS-men temirjol salasy úshin dońǵalaqtar shyǵarý sehynyń qurylysyn aıaqtaý, sondaı-aq shamamen 25 aýlany abattandyrý josparlanyp otyr. Mereıtoı kúni «Oblystyń Qurmetti azamaty» ataǵyna eńbek ardagerleri Dúken Qyzǵarın men Qaırat Smaǵulov «Bogatyr Kómir» JShS Bogatyr júk tıeý- kólik basqarmasynyń basshysy Aleksandr Grıgorevtar ıe boldy, Toı kúni sahna tórinde «Dos-Muqasan» ansamblii óner kórsetti. Ippodromda alaman báıge ótti.
Farıda Byqaı
«Egemen Qazaqstan»
Ekibastuz
