Kásibı bilim jeńimpazdary

Ustaz – bala janynyń baǵbany deımiz. Osy mamandyq ıelerine úlken senim artamyz. Olardyń ómirimizge laıyqty órender ósirýdegi ólsheýsiz eń­be­gin baǵalap, kásibı bilimderin jetildirý qajettigine de nazar aýdarylyp keledi. Oblys ákiminiń qoldaýymen jyl saıyn bilim berý mekemeleri arasynda ótetin pedagogıkalyq baıqaýlardyń biri «Eń úzdik kásiptik bilim berý uıymy» dep atalady. О́ıtkeni, kásiptik bilim berý búgingi kúnniń basty mindeti bolǵandyqtan baıqaýǵa oblystaǵy 14 kásiptik lıseı ujy­my qatysyp, básekege qabi­letti shákirt tárbıeleýdegi jaq­sy isterin ortaǵa saldy. Solardyń qataryndaǵy Sar­qan gýmanıtarlyq kolledji aǵyl­shyn tili jáne qarjy sala­synyń mamandaryn daıarlaý, stýdentterdi ónerge baýlý, taǵy basqa tárbıe taǵylymyn, Jarkent №17 kásip­tik lıseıi qo­ǵam­da suranys­qa ıe aspaz, elektromonter, traktorıst-mashınıst mamandyqtarynyń ma­ńy­zyn, Taldyqorǵan ekono­mı­ka-tehnologııalyq kolledji ónim­di óńdeý máselesin kór­se­tip, bar­laryn ortaǵa saldy. Qarasaıdaǵy Úshqońyr sý sharýashylyǵy kolledji ótken ke­zeńde 30 myńnan asa túlek ushy­ryp, ekolog, gıdrotehnık mamandaryn daıarlasa, Eńbek­shi­qazaq aýdanynyń №7 lıseıi jastardyń qyzyqty ómirin áserli órnektedi. Taldyqorǵan polıtehnıkalyq kolledji kredıttik jáne qashyqtan oqytý júıesin engizý, ózin-ózi basqa­ra­tyn jastardyń «Konvent» uıymy men pikirsaıys ortaly­ǵynyń jumysyn júıeledi. Baıqaý asa tartymdy ótip, qazylar alqasy baǵalaryn berdi. Qorytyndysyn Almaty qala­syn­daǵy №13 kásiptik lıseı birinshi, Taldyqorǵan po­lı­tehnı­ka­lyq kolledji ekinshi, Taldy­qorǵan ekonomıka-tehno­lo­gııa­lyq kolledji úshinshi oryndy ıelendi. Úsh nomınasııa boıynsha da jeńimpazdar anyqtaldy. Olar Jarkent qalasynyń №18 kásip­tik lıseıi «Innovasııa sheberha­na­sy», Qarasaı aýdanynyń №2 ká­sip­tik lıseıi «Jetistik jolynda», Úsharal qalasyndaǵy №5 kásiptik lıseıi «Jańashyl kásiptik lıseı» nomınasııasyna qol jetkizip, ózderiniń izdenisterin tanytty. Kúmisjan BAIJAN. Almaty oblysy.