«Biz atalǵan kompanııadan úlken úmit kútemiz. Oblys ekonomıkasynyń áleýeti zor. Barlyq salalalarda jumys isteýge daıynbyz. О́ńirdiń ınvestısııalyq tartymdylyǵy joǵary. Ásirese, aýyl, mal, egin sharýashylyǵy, týrızm salalarynda, jeńil ónerkásip, mashına jasaý salalarynda múmkindikterimiz mol. Biz «Qazaqınvest» AQ Ulttyq kompanııasynyń jumysyna tolyq qoldaý bildirip, ashyqtyqpen jumys isteýge ázirmiz», - dedi Janseıit Qanseıituly.
О́z kezeginde B.Qaneshov ınvestorlarǵa kórsetiletin memlekettik qyzmetti elektrondy júıege kóshirý, kedendik, ózge de bıýrokratııalyq kedergilerdi joıý máseleleri tóńireginde kompanııa tarapynan atqarylyp otyrǵan jumystarǵam toqtaldy.
«QazaqInvest» kompanııasy Elbasymyzdyń tapsyrmasyna saı «KazNextInvest»-tiń bazasynda quryldy. Eki aıdan beri jumys jasap kelemiz. Bizdiń kompanııa qazaqstandyq ekonomıkanyń basym baǵyttaryna tikeleı ınvestısııalar tartýmen aınalysatyn bolady. Osy baǵytta biz Ońtústik Qazaqstan oblysy ákimdigi men jáne jergilikti kompanııalarmen jumystardy júıeli túrde uıymdastyrýdy kózdep otyrmyz. Atalmysh kompanııa sheteldik ókildikter men fılıaldardyń aýqymdy jelisin qamtyp, Úkimet atynan iri ınvestorlarmen jáne «birińǵaı kelissóz júrgizýshi» retinde is-qımyl jasaıtyn bolady», - dedi B.Qaneshov.
Aıta keteıik, kompanııa fýnksııalaryna ınvestısııalyq jobalardy ázirleýdi qamtamasyz etý, ınvestısııany qajet etetin jobalardyń tizimin ázirleý, maqsatty jáne daıyndyǵy bar ınvestorlardy tartý jatady. Sondaı-aq resmı tulǵalarmen qol jetkizilgen barlyq kelissózderge monıtorıng jasap, «Bir tereze» qaǵıdaty boıynsha ınvestısııalyq jobalardyń júzege asýyna qoldaý kórsetedi.
Búginde kompanııa ınvestorlardy qoldaý úshin «bir tereze» qaǵıdaty boıynsha biryńǵaı aqparattyq júıe engizý boıynsha jumys jasap jatyr. Biryńǵaı aqparattyq júıeni engizý arqyly jobalardy júzege asyrýda vıza alý, kelissózder júrgizý sııaqty jumystar biryńǵaı aqparattyq júıede kórsetiletin bolady. Árbir jobaǵa «Kazakhinvest» ulttyq kompanııasy» AQ-nyń bir-bir qyzmetkeri jaýapty bolady.
