«Jańa fılmniń qurylymy men stılıstıkasy týraly aıtatyn bolsaq, burynǵy «Kavkazskaıa plennısa» jáne «Brıllıantovaıa rýka» syndy áıgili keńestik fılmderdi eske túsiredi.
«16 qyz» fılminde negizgi oqıǵa Baýyrjan (Berik Aıtjanov) men Aıjannyń (Asha Mataı) arasyndaǵy romantıkalyq shytyrman mahabbatqa qurylǵan bolsa, bul joly «úılenbeıdi» dep 5 myń teńgege bás tigip júretin Samattyń (Qýanysh Doldaev) ózin úılendirý jolyndaǵy mashaqatqa toly sıýjetter jelisi jyljıdy. Onyń ǵashyǵy Láılanyń, qumyra urlyǵyn zerttep júrgen polıseıdiń jáne antıkvarıatty qolǵa túsirýdi kózdep júrgen buzaqylardyń shym-shytyryqqa toly hıkaıasy kórsetiledi.
Qanaǵat Mustafın osy jolǵy fılmniń de ssenarııin ózi jazǵan. qatal da ádil rejısser «Eń sulý qyz» kınokartınasynyń eleýli jańalyqtarymen bólisti.
«Kıno túsirgende kórermenge burynnan tanys akterlerdi shaqyrasyń dep synaıtyn. Bul joly basty rólderdi Ásel Asqar men Qýanysh Doldaev syndy jas akterler oınap shyqty», deıdi rejısser.
Rejısserdiń aıtýynsha, bul joly fılmniń mýzykasyna basa mán berilmek. Mysaly,
fılm saýndtregi retinde «16 qyz» halyq ánin Qazybek Qasym aǵylshyn tilinde oryndaıdy. «Bul halyq arasyna keń taralǵan ándi ózgeshe qyrynan tanytý» dep túsindirgen rejısser fılmniń prokatqa shyǵarý isine de toqtalyp ótti.
– «Sheshenfılm» bizge birlesip fılm túsirý jóninde arnaıy usynyspen shyqty. Jańa tájirıbe ózimizge de qyzyq kórinip, bastapqyda fılmdi Groznyıda túsirmek bolǵanbyz. Alaıda, shyǵyn kóp bolatynyn oılap, «Kók-Tóbe» saıabaǵy, «Sunqar» shańǵy tramplınder kesheni, «Medeý» sııaqty Almatynyń eń kórikti jerlerinde túsirdik. Buıyrsa Soltústik Kavkazda, Reseıdiń shaǵyn qalalarynda da prokatqa shyqpaq. Sheshen tiline dýblıaj jasaýdy seriktesimiz óz jaýapkershiligine alyp otyr, – deıdi rejısser Qanaǵat Mustafın.
Prodıýsser Aıdarhan Ádilbaevtyń aıtýynsha, fılm bıýdjeti «16 qyz» fılmine jumsalǵan qarajatpen shamalas (400 myń AQSh dollary). Onyń sózinshe, «16 qyz» fılmine ketken shyǵyn bir jyl ishinde tolyq ótelgen.
Aıa О́MIRTAI,
«Egemen Qazaqstan»
