Merekelerimen quttyqtady

Memleket basshysy Nursultan Nazarbaev Qazaqstan Respýblıkasynyń ustazdaryna, bilim berý salasynyń qyzmetkerleri men ardagerleri atyna quttyqtaý joldady, dep habarlady Qazaqstan Respýblıkasy Prezıdentiniń baspasóz qyzmeti. «Sizderdi tól merekelerińiz – Muǵalim­der kúnimen quttyqtaımyn! Shákirtterin bilim nárimen sýsyndatyp, jaqsy qasıetterdi boıyna darytatyn ustazǵa degen halqymyzdyń qurmeti qashan­da erekshe. О́ıtkeni, qoǵamnyń basty baı­ly­ǵy – adam bolsa, sol «adamnyń adamshylyǵy jaqsy ustazdan» deıdi dana Abaı. Qazirgi zamanda bilim deńgeıi joǵary ult qana jahandaný talaptaryna jaýap bere alady. Sondyqtan bilim salasy – eldiń erteńin aıqyndaıtyn, onyń básekelestik qabiletine yqpal etetin asa mańyzdy sala. Bıyl elimiz óz Táýelsizdiginiń 20 jyl­dy­ǵyn atap ótedi. Biz osy jyldarda zaman talabyna saı bilim berýdiń jańa júıesin qurdyq. Búginde memleketimiz halyqqa álem­dik standarttarǵa saı bilim berý úshin óz tarapynan barlyq jaǵdaılardy jasaýda. Ustaz mártebesin kóterý jáne onyń eren eń­begin laıyqty túrde baǵalaý oraıynda aýqym­dy ári júıeli sharalar iske asy­ry­lýda. Mektepke deıingi, orta, kásiptik jáne joǵary bilim berýde múlde jańa baǵyttar anyqtalyp, elektrondy oqytý júıesi engizilýde. Bilim júıesiniń jany da, júregi de, tiregi de – ustaz. Sondyqtan elimizdiń erteńgi keleshegi sizderdiń qoldaryńyzda. Elimizdiń atyn álemge tanytatyn bilimdi de talantty shákirtterińiz kóbeıe bersin! Sizderge zor densaýlyq, uzaq ómir, qıyn da qasterli ustazdyq qyzmette tabys tileımin!», delingen jedelhatta.