Bul týraly Ulttyq bank tóraǵasy Danııar Aqyshev Parlament palatarynyń birikken otyrysy barysynda aıtty, - dep habarlaıdy Tengrinews.kz.
Bank tóraǵasynyń aıtýynsha, bank aktıvteriniń sapasyna baǵa berý boıynsha jumystar júgiziledi. Aqyshev bul tekseristerden keıin banktiń shynaıy jaǵdaıy kórinetinin aıtyp ótti.
"Bank aksıonerleriniń kapıtalǵa aıtarlyqtaı aqsha quıýyna qatysty problema týyndap tur. Ulttyq bank ókilderi qazirgi ýaqytta aksıonerlerde bir ýaqytta birden aıtarlyqtaı somada qarajat quıý múmkindigi joq ekenin túsinip otyr. Sondyqtaı mynandaı usynys bar - Ulttyq bank qazirgi ýaqytta bank sektoryn saýyqtyrýǵa baǵyttalǵan baǵdarlamany aıaqtaýǵa jaqyn qaldy.
Onyń aıtýynsha, Ulttyq bank resýrs jaǵynan qoldaý kórsete alady, biraq ol qarajat belgilengen ýaqytta qaıtarylýy tıis bolady. Qansha ýaqyt beriletini ázirshi belgisiz, talqylanyp jatyr", - dedi Danııar Aqyshev.
"Biz osy baǵdarlamany jyl sońyna deıin júzege asyrýdy josparlap otyrmyz. Bankter barlyq halyqaralyq ólshemge sáıkes bolady. Osydan keıin ǵana biz bank reıtıngin kóterip, qarjy jaǵdaıymyzdy jaqsartamyz. Bank sektory Ulttyq bank pen úkimet bergen tapsyrmalardy oryndaı otyryp, saýyqtyrylatyn bolady", - dedi Ulttyq bank tóraǵasy.
Eske sala keteıik, 2 naýryzda QR Prezıdenti Nursultan Nazarbaev bank sektoryn saýyqtyrý úshin Ulttyq qordan trıllıon teńge bólý týraly qaýlyǵa qol qoıǵan bolatyn. "
