Sharanyń maqsaty – maqta ónimdiligin ekologııalyq taza jolmen ósirý tehnologııasyn saqtaý, maqta egistigin zııankesterden hımııalyq emes bıologııalyq jolmen qorǵaý bolyp tabylady.
Semınarda sóz alǵan OQO aýmaqtyq ınspeksııa basshysy N. Badyrakov oblysymyzdaǵy zııankestermen kúres jumystarynyń barysyn baıandady.
«2013-2016 jyldar aralyǵynda QR Aýyl sharýashylyǵy mınıstrliginiń tikeleı qoldaýymen 2013 jyly bıoagentterdiń jáne bıopreparattardyń qunyn arzandatýǵa alǵash ret 150 mıllıon teńge qarjy bólinip, 40 myń gektarǵa jýyq maqta alqaby bıologııalyq ádispen óńdeldi. Nátıjesinde maqta ónimdiligi oblysta rekordtyq kórsetkishke jetip 28 s/ga qurasa, maqtanyń ordasy Maqtaaralda 30s/ga qurady. Bul bıologııalyq tásilderdiń tıimdi ekenin kórsetedi», - deıdi ınpeksııa basshysy.
Sondaı-aq, semınarda «Maqta daqylynyń zııankesterine hımııalyq jáne bıologııalyq tásilmen kúres» taqyrybynda Qazaq ósimdik qorǵaý jáne karantın ǵylymı-zertteý ınstıtýtynyń ókili B.Kópjasarov, «Qazaqstanda maqta sharýashylyq salasynyń búgingi tańda damý joldary» taqyrybynda Qazaq maqta sharýashylyǵy ǵylymı-zertteý ınstıtýtynyń bas dırektory Ibadýlla Úmbetaev baıandama jasady.
Aıta keteıik, semınar-keńeske aýmaqtyn ınpeksııa men boljam ortalyǵynyń basshylary men mamandary, aýdandyq bólim basshylary men mamandary, aýyldyq okrýg ákimderi, jer mamandary, bıofabrıka, bıolaboratorııa men agroqurylym basshylary qatysyp, maqta sharýashylyǵyna qatysty kóptegen aqparattarǵa qanyq boldy
