Qazaqstan • 19 Maýsym, 2017

Kórme kezinde sáýlet-qurylys jumystaryn júrgizý máseleleri túsindirildi

127 ret

kórsetildi

1 mın

oqý úshin

Astana qalasy ákimdiginiń 2017 jylǵy 31 mamyrdaǵy № 120-1090 «Astana qalasynda halyqaralyq mamandandyrylǵan EKSPO-2017 ótkizý kezinde jer, sáýlet-qurylys jumystaryn júrgizýge qatysty birqatar máseleleri týraly» Qaýlysy qabyldanǵannan beri turǵyndardan qala ákimdigine ártúrli ótinishter túse bastady, dep habarlaıdy ákimdiktiń resmı saıty.

Egemen Qazaqstan

Kórme kezinde sáýlet-qurylys jumystaryn júrgizý máseleleri túsindirildi

Áleýmettik jeli paıdalanýshylary arasynda da árqıly pikirler qalyptasty.

Qaýlyny qoldaný suraqtary boıynsha zańdy jáne jeke tulǵalardan kelip túsken ótinishterge elorda ákimdigi qala kásiporny, uıymdary jáne jeke tulǵalar nysan qurylysy maqsatynda qurylys-montaj jumystaryn belgilengen jer ýchastkesi shekarasynda júrgize alatyny túsindirildi.

Atalǵan Qaýlynyń talaby jer jumystaryn júrgizýge, ınjenerlik jelini tartýǵa jáne qala aýmaǵynda qurylys-montaj jumystaryn júrgizýge qoldanylady.

«Shekteý apattyq jáne jóndeý jumystaryna qoldanylmaıdy. Sondaı-aq 2017 jyldyń 10 qyrkúıegine deıin paıdalanýǵa beriletin nysandarǵa taralmaıdy. Jumystar paıdalanatyn mekemlerdiń ókiliniń qatysýymen jáne baqylýymen júrgizilýi tıis», – deıdi qala basshylyǵy.