Shyǵarmashylyq ujym Nacho Dýato, Raımondo Rebek, Ohad Naharın syndy zamanaýı horeograftardyń avtorlyq baletterin oryndaıdy. This is modern kesh baǵdarlamasynda «Elf», «Belyı son», «Mınýs 7» syndy qoıylymdar usynylady.
«Biz Qazaqstanda alǵash ret óner kórsetemiz. Trýppa quramynda 60-qa jýyq ártis bar, solardyń eń myqty 35 bıshisi gastroldik saparmen Qazaqstanǵa kele jatyr. «Astana Opera» kórermenderi úshin jyl saıyn Korean ballet festival (Seýl) festıvalinde qoıatyn repertýarymyzdy usynamyz. Bul shaǵyn spektaklderge dúnıe júzinde suranys joǵary, sol sebepten sizderge de osy ónerimizdi pash etpekpiz. Álemdik arenalarda ystyq yqylasqa bólenip júrgen balet qazaqstandyqtardyń da kóńilinen shyǵady degen úmittemiz», - deıdi Universal Ballet dırektorynyń orynbasary Tıen Rıý.
Trýppa osyǵan deıin álemdi úsh ret sharlap shyǵyp, Japonııa, Kolýmbııa, Túrkııa, Qytaı, OAR, Reseı, Fransııa, AQSh, Kanada, Oman jáne Sıngapýr elderinde óner kórsetken.
