Semınar keńestiń tájirıbelik bólimi Aqbastaý aýylyndaǵy Domalaq ana kesenesi mańyndaǵy tut baýynda jalǵasty. Atalǵan baý oblys ákiminiń bastamasymen júzege asqan «Shatqal» baǵdarlamasy aıasynda egilgen. Baýdyń jalpy aýmaǵy 55 gektardy quraıdy. Onyń 30 gektaryna tut aǵashy, al 25 gektaryna shyrsha aǵashy otyrǵyzylǵan. Dál osy baýda jeke sharýa Sultan Bakırov jınalǵandarǵa jibek sharýashylyǵynyń kópshilik bilmeıtin qupııalaryn aıtyp, óz tájirbıesimen bólisti. 6 jyldan beri jibek óndirisin zerttep júrgen Sultan Bakırov bıyldan bastap jibek qurtyn ósirýge kirisken. Onyń aıtýynsha, jibek qurtynan jylyna 4 mártege deıin jibek talǵashyǵyn alýǵa bolady. Kásipker alǵashqy aınalymnyń ózinen 110 keli jibek alýdy josparlap otyr. Jobasy tolyqtaı júzege assa, ol jylyna shamamen 40-50 tonnaǵa deıin jibek talshyǵyn óndirip, 1000- nan astam jańa jumys oryndaryn ashpaq.
«Jibek óndirisi - álemdegi eń tabysty kásipterdiń biri. Jibek talshyǵy jibek qurtynan alynady. Al jibek qurtynyń negizgi azyǵy ol tut aǵashy. 1 gektar tut baýynan ortasha eseppen 48 tonna japyraq alynady. Máselen 1 keli japyraqty 20 teńgeden satqanda, 1 gektar tut baýynan 960 myń teńge tabys tabýǵa bolady. Al, 1 tonna japyraq, 1 qorapshadaǵy 19 gramm jibek kurtyn azyqtandyrýǵa jetedi. Ár qorapshadan 55 keli jibek óndiriledi», - deıdi Sultan Bakırov.
Aıta keteıik, jibektiń álemdik naryqtaǵy quny 1 kelisine 30-40 dollardy quraıdy. Jibek óndirisi ásirese Qytaı men Japonııa elinde qaryshtap damyǵan. Al, TMD memleketteri arasynda О́zbekstan jibek sharýashylyǵyn myqtap qolǵa alǵan. Keleshekte tabysy mol bul salany Ońtústik Qazaqstan oblysynda da damytý josparlanyp otyr.
Semınar keńestiń teorııalyq bólimi Aqbastaý aýylyndaǵy mádenıet úıinde jalǵasyn tapty. Jıynda jibek óndirisin damytýdyń múmkindikteri men tetikteri talqylandy. Sonymen qatar, aýyl sharýashylyǵy basqarmasynyń mamandary koopertaıvterge birigýdiń tıimdiligine toqtalsa, qarjy uıymdarynyń ókilderi nesıe alýdyń sharttarymen tanystyrdy.
