Indonezııa Respýblıkasynyń vıse-prezıdenti Iýsýf Kallamen kezdesý barysynda A. Qamaldınov 2017 jylǵy 10-11 qyrkúıekte Astanada ótetin Ǵylym jáne tehnologııalar jónindegi Islam yntymaqtastyq uıymynyń alǵashqy sammıtine qatysýǵa Indonezııa Prezıdenti Joko Vıdodoǵa arnalǵan Qazaqstan Prezıdenti Nursultan Nazarbaevtyń shaqyrý hatynyń túpnusqasyn tabystady. Bul rette, basty taqyrypqa qaramastan, sammıtti ótkizýdiń negizgi ıdeıasy beıbit pen jalpyǵa birdeı qaýipsizdikti qamtamasyz etý maqsatynda IYU-dyń barlyq múshe-memleketterin biriktirý bolyp tabylatyndyǵyn aıtty.
Taıaý Shyǵystaǵy sońǵy oqıǵalardy eskere otyryp, vıse-prezıdent aldaǵy sammıtti óte ýaqytyly jáne qajetti dep atady. Bul rette óńirdegi ahýaldy turaqtandyrý maqsatynda Qazaqstan jumsap kele jatqan kúsh jigerlerine Indonezııanyń qoldaýyn bildirip, sondaı-aq terrorızm, ekstremızm jáne radıkalızm sekildi jalpy syn-tegeýrinder men qaýipterge qarsy turý úshin ıslam áleminiń elderi birigýge qajetti ekendigine ortaqtasatyndyǵyn aıtty. Shaqyrý hatty Indonezııa Prezıdentine tapsyratyndyǵyna jáne aldaǵy sammıtke onyń qatysýyn qamtamasyz etý úshin bar kúsh jigerin jumsaıtyndyǵyna sendirdi.
Arnaıy ókil Qazaqstandaǵy sońǵy mańyzdy is-sharalar, ásirese ótken ShYU Sammıti men jýyrda ashylǵan «EKSPO-2017» Halyqaralyq mamandandyrylǵan kórmesi jóninde vıse-prezıdentti habardar etti. Oraıly sátti paıdalana otyryp, ındonezııalyq tarapty kórmege qatysýǵa shaqyrdy. Kórme ekijaqty yntymaqtastyqty keńeıtý úshin tıimdi platforma retinde bola alatyndyǵyna nazar aýdardy.
Saıası konsýltasııalar barysynda A. Qamaldınov pen ındonezııalyq delegasııasynyń bpsshysy Syrtqy ister mınıstrliginiń Azııa – Tynyq-muhıt óńiri boıynsha bas dırektory D. Perchaıa saıası, ekonomıka, ınvestısııa jáne áleýmettik-mádenı salalaryndaǵy ekijaqty yntymaqtastyq boıynsha bir top máseleler, sondaı-aq halyqaralyq uıymdar aıasyndaǵy eki el arasyndaǵy ózara is-qımyldyń jaǵdaıy men keleshekterin talqylady. Konsýltasııalardyń qorytyndysy boıynsha delegasııa basshylary tıisti hattamaǵa qol qoıdy.
