Elbasynyń «100 naqty qadam» ult Josparynda memlekettik qyzmettiń kásibıligin arttyrý tapsyrmasy aıasynda júrgizilgen keshendi attestattaý qorytyndysyn baıandaǵan departament basshysy óńirdegi 8 489 memlekettik ákimshilik qyzmetshiniń 6483-i attestatsııa tapsyrsa, qalǵany bos oryndar men attestatsııadan bosatylǵandar ekenin jetkizdi.
«Ult josparynyń bir qadamy bul - elimizde alǵash ret ótkizilgen keshendi attestattaý. Keshendi attestattaý deıtin sebebimiz, bul memlekettik qyzmetshilerdi jaı ǵana synaqtan ótkizý emes. Attestattaý kezinde buryn-sońdy memlekettik qyzmette bolmaǵan úderis – memlekettik qyzmetshiniń quzirettilik qasıetteri synalady. Qyzmetshilerdiń qyzmetti tutynýshylarǵa baǵdarlarlaný, qyzmetti tutynýshylarǵa habarlandyrý, qyzmetti basqarý, yntymaqtastyq, sheshim qabyldaý, jedeldilik, ózdiginen damý, adaldyq, jaýapkershilik, bastamashyldyq jáne stresske ornyqtylyq sııaqty quzyretteri boıynsha baǵalaý testileý arqyly júrgizildi»,-dedi Á.Kómekbaev.
Jalpy oblysta barlyǵy 63 komıssııa qurylyp, ózderine júktelgen jumysty jaqsy atqaryp shyǵyp, attestattaýdy óz deńgeıinde ótkizgen. Oblysta attestattaýdyń testileý satysynan ótken memlekettik qyzmetshi ishinde: «óte jaqsy» nátıje alǵandary – 1766, «tıimdi» - 4482, «qanaǵattanarlyq» - 222, «eń tómen» degen.kórsetkishti - 13 azamat alǵan. Al attestattaýdan oń nátıjemen aıaqtaǵan 239 qyzmetshi joǵarylatýǵa usynylǵan.
Spıkerdiń aıtýynsha, attestattaý barysynda eń úlken júk OQO ákimi apparaty men Memlekettik kirister departamentine artylǵan. Sebebi, oblys ákimi apparatynyń biryńǵaı attestattaý komıssııasynda 946, al Memlekettik kirister departamentinde 748 qyzmetshi attestattaýdan ótken.
