Kýba memlekettik keńesiniń ǵylym boıynsha keńesshisi, Kýba ǵylym akademııasynyń vıse-prezıdenti Fıdel Kastro Dıas-Balart Qazaqstan astanasyna WSEC-2017 kongress jumysyna qatysqan bolatyn. Kýbalyq osymen ekinshi ret Astanaǵa kelip otyr. Alǵash 2015 jyly bolǵan.
- Men áli kórmeni kórgen joqpyn. Alaıda, men shet jaǵasyn baıqaǵanymnyń ózi bul Qazaqstan úshin erekshe oqıǵa. EKSPO-nyń kólemi de tańqaldyrady. Jaqyn kúnderi arnaıy baryp, energetıka salasyndaǵy barlyq zamanaýı tehnologııamen tanysatyn bolamyn. Men ǵylym ár adamnyń mádenı damýynyń bir bólshegi dep esepteımin. Kóptegen saıası kóshbasshylar ǵylym salasynda eńbek etken. Meniń bilýimshe, Qazaqtan Respýblıkasynyń Prezıdenti Nursultan Nazarbaev saıası basshy bolsa da, ǵylymı bilim-biligi joǵary, - dedi Fıdel Kastro Dıas-Balart.
Ǵalym astanalyq kongress álemdik IIǴ damýyna, iskerlik múmkindikter men tájirıbe almasý ornyna aınalatynyna senimdi.
Fıdel Kastro Dıas-Balart, ǵylym áleminde Hose Raýl retinde tanymal. Ol óziniń shyn esimin jaqynda ǵana aıtty. Onyń sózinshe, Fıdel Kastroǵa týystyq qatysy bar ekenin uzaq jyldar boıy qupııa ustaýynyń ózindik sebebi bar eken.
