«Etnıkalyq mass-medıa jýrnalısteri óz basylymdary nyń aýdıtorııasymen shektelip jatady. Olar osy máseleler boıynsha ózara qarym-qatynas ornatý úshin Ortalyq BAQ-tyń paraqshalary men efırlerine qatysýy kerek. Jeke etnıkalyq BAQ jalpyulttyq taqyryptardy nasıhattaýǵa qyzyǵýshylyq tanytpaıdy. Máselen, 31 mamyrda saıası qýǵyn-súrginge ushyraǵandardy eski alý kúninde BAQ aıtarlyqtaı belsendi bolǵan joq. QHA uranymen «Áskerı bolashaq esteligi» aksııasy ótti. Bul oraıda kóptegen etnostar óz tarıhymen bólisýleri kerek. Jýrnalısterdiń barlyǵy muraǵatpen tıimdi jumys isteı almaıdy. Jaqynda Belarýs Prezıdenti A.Lýkashenko Elbasymyzǵa sol kezge qatysty materıaldardy tabystady», - degen Darhan Myńbaı Aqparat jáne kommýnıkasııa mınıstrligin osy máselege járdemdesýin surady.
О́z kezeginde Qazaqstan Respýblıkasy Aqparat jáne kommýnıkasııalar mınıstrligi Aqparat komıteti tóraıymy Nurgúl Maýberlınova Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasynyń júzege asyrylýynda jýrnalıster qaýymynyń róli orasan ekenin aıta kelip, atalǵan vedomstvo osy maqsatta «Rýhanı jańǵyrý» arnaıy saıtty iske qosatynyn málimdedi.
«Onda Elbasy maqalasynda kórsetilgen mindetter boıynsha atqarylyp jatqan jumystar kópshilikke qoljetimdi etilip, Qazaqstannyń qasıetti jerleri men týrıstik oryndarynan bastap «100 jańa tulǵa» jobasy boıynsha jetistikke jetken jastardyń ómir joly týraly málimetter usynylady. Atalǵan saıt negizinen mádenı-aǵartý baǵytynda jumys isteıtin bolady», - dedi Nurgúl Maýberlınova.
Otyrys sońynda etnıkaaralyq kelisim taqyrybynda qalam terbegen jýrnalısterge QHA Jýrnalıster klýbynyń atynan alǵys hattar men baǵaly syılyqtar tabystaldy.
Aıta keteıik, Klýb QR Prezıdentiniń tapsyrmasy boıynsha quryldy,. Ol QHA janyndaǵy turaqty konsýltatıvtik-sarapshylyq alań bolyp tabylady. Klýb aldyńǵy qatarly buqaralyq aqparat quraldaryn, etno-mádenı uıymdar men blogerlerdi biriktirip otyr.
Baýyrjan Muqanov,
"Egemen Qazaqstan"
