Osy qyzmet úshin úsh-tórt kúndik týrlar uıymdastyrylyp jatyr. Oǵan tústik óńirdiń týrızmge laıyq jádigerleri engen.
Aldyn ala boljam boıynsha Ońtústik EKSPO qonaqtary kóp keletin úshinshi aımaq sanalady. Resmı málimetke sáıkes, kósh basynda Kókshetaý tur. Odan keıin saıahatshylar arý qala Almatyny tamashalaýǵa nıet bildirgen. Búginde Ońtústikke keletin qonaqtardy jaqsy qarsy alyp, shyǵaryp salý úshin kelisimge kelgen kompanııalar sońǵy daıyndyqtaryn pysyqtaýda.
«Ońtústik» týrızm ortalyǵynyń dırektory Jasulan Tólebekov bul jaıynda oıyn bólisti. Onyń aıtýynsha, tórt týrıstik fırma kelisimge qol qoıǵan. Olar ońtústiktiń kórnekti jerlerin kórsetedi. Ár týrıstik kompanııada aǵylshyn, qytaı tilin biletin gıdteri bar. Olarǵa marshrýttardy bekitip bergen. Sol marshrýttarmen týrısterge qyzmet kórsetedi.
Týragenttik kómeginsiz, ózi kelgen týrıster de dalada qalmaıdy. Olarǵa eriktiler jasaǵy qyzmet kórsetedi.
Baqtııar TAIJAN,
«Egemen Qazaqstan»
