Olardyń arasynda 9 jastaǵy Shyńǵys Ádilhan da bar. «Eń jas qatysýshy» atanǵan Shyńǵys 2 kg 710 g bolatyn jaıyn balyqty aýlap, birden eki báıgeni qanjyǵasyna baılady da, jalpy esep boıynsha birinshi oryndy jeńip aldy. Ekinshi oryn Myrzaǵalı Dosqalıevke, úshinshi oryn Saparbek Bısenbaevqa buıyrdy. Al Aqbota Ersaıyn «Eń súıkimdi qatysýshy», О́teýil Amanııazov «Eń tájirıbeli qatysýshy» atandy. «Kórermen kózaıymy» nomınasııasyn Tatıana Erofeeva ıelendi.
«Erterekte áýesqoı balyqshylar jarysy qys mezgilinde ótetin. Keıin bul dástúr úzilip qaldy. Jazǵy maýsymda birinshi ret qolǵa alynyp otyr. Qala turǵyndarynyń qyzyǵýshylyǵy joǵary ekenin ańǵardyq, endi jylyna eki ret osyndaı sharany uıymdastyramyz», deıdi oblystyq ańshylar men balyq aýlaýshylar qoǵamdyq birlestiginiń tóraǵasy Asyltek Ispýsınov.
Baqytgúl BABASh,
«Egemen Qazaqstan»
